არნემის "ვიტესის" მფლობელმა მერაბ ჟორდანიამ კლუბის აქციათა საკონტროლო პაკეტი გაყიდა. ამიერიდან ჰოლანდიური კლუბი რუსი ბიზნესმენის, ალექსანდრ ჩიგირინსკისაა, რომელიც ლონდონის "ჩელსის" მფლობელი რომან აბრამოვიჩის ახლო მეგობარია.ჩიგრინსკი ჟორდანიას ფინანსური პარტნიორი 2010 წლიდანაა.
ამასთან, პრივილეგირებული პაკეტი კვლავაც "Stichting Betaald Voetbal 'Vitesse-Arnhem"-ის განკარგულებაში რჩება.
"აქამდეც მითქვამს, რომ ჩიგრინსკი მხარში "ვიტესის" აქციების შეძენის დღიდან მიდგას.
ახლა "ვიტესს" წინ ნაბიჯი სჭირდება, რათა ახალ სიმაღლეზე ავიდეს. ვფიქრობ, აქციათა პაკეტის გაყიდვის დრო მოვიდა.
ამის მერეც, ყოველთვის სიამოვნებით დავეხმარები რჩევებით ალექსანდრს", - აცხადებს ჟორდანია.
აი, რა თქვა 50
"დიდი მადლობა მინდა გადავუხადო მერაბს 3-წლიანი შრომისთვის. მისმა აუცილებელმა ინვესტიციებმა "ვიტესი" დღეისათვის სპორტულადაც და სტრუქტურულადაც შესანიშნავ პოზიციაზე გაიყვანა.
მერაბმა ჩამოაყალიბა ძლიერი შემადგენლობა, შესანიშნავი ტექნიკური სტაფი, ინფრასტრუქტურა.
ამ ბაზისზე ჩვენ კიდევ უფრო მეტს დავაშენებთ, რომ მივიღოთ ჰოლანდიური ფეხბურთის ერთ-ერთი მთავარი მოთამაშე. ვიცი, რომ მერაბის იმედი მომავალშიც შეიძლება მქონდეს".
ჰოლანდიის მიმდინარე ჩემპიონატში "ვიტესი" მე-7 ადგილს იკავებს და ლიდერ "ტვენტეს" 2 ქულით ჩამორჩება.
შეგახსენებთ, რომ არნემული გუნდის ღირსებას გურამ კაშია (კაპიტანი), გიორგი ჭანტურია და ვაკო ყაზაიშვილი იცავენ.
![ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]](/pictures/image7/d6c709ea9eff9593884afc34c3f9ed10.png "ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
