ფოტოზე: ზედა რიგში მარცხნიდან: შტილიკე, გარსია რემონი, ანდრეს სობიდო, რაფაელ კორტესი, ფრანსისკო გარსია ერნანდესი, კამაჩო; ქვედა რიგში : ხუანიტო, სანტილიანა, ანხელი, პინედა, გალიეგო.
ზუსტად 34 წლის წინ, 1981 წლის 4 მარტს, თბილისში დიდი აჟიოტაჟი იყო: მადრიდის "რეალი" საქართველოს დედაქალაქში პირველად და, ჯერჯერობით, უკანასკნელად გვესტუმრა.
უეფას თასის მეოთხედფინალში, იმ დღეს, როცა თბილისის "დინამო" ლონდონში "ვესტ ჰემს" ხვდებოდა, "სამეფო კლუბი" თბილისში მოსკოვის "სპარტაკს" ხვდებოდა. იმ პერიოდში, თბილისში ეს ჩვეულებრივი ამბავი იყო - რუსეთსა და უკრაინაში სუსხიანი ამინდების გამო, იქაური კლუბები (და საბჭოთა
სოციალურ ქსელში "სპარტაკი"-"რეალის" ამსახველი ფოტო გავრცელდა. მაშინ "რეალში" მთელი თანავარსკვლავედი თამაშობდა - შტილიკე, კამაჩო, ხუანიტო, სანტილიანა, ანხელი, პინედა, გალიეგო... ვისენტე დელ ბოსკე ძირითად შემადგენლობაში არ ყოფილა, მაგრამ მოედანზე 85-ე წუთზე გამოჩნდა და ფრანსისკო გარსია ერნანდესი შეცვალა.
იმ დღეს "დინამოს" სტადიონზე 80 ათასი მაყურებელი შეიკრიბა, რომელთა უმრავლესობა, მიუხედავად იმისა, რომ "სპარტაკში" თბილისის "დინამოს" ყოფილი კაპიტანი მანუჩარ და გოჩა მაჩაიძეეები თამაშობდნენ, "რეალს" გულშემატკივრობდა, რამაც მოსკოველების უკმაყოფილება გამოიწვია, სტუმრები კი სასიამოვნოდ გააოცა. "რეალს" საქართველოში ყოველთვის ჰყავდა გულშემატკივარი. თამაში 0:0 დასრულდა.
როდისღა განმეორდება ის დღე, როცა "რეალი" თბილისში ისევ გვესტუმრება? არის შანსი, ეს 2015 წლის 11 აგვისტოს მოხდეს, როცა თბილისი ევროპის სუპერთასს უმასპინძლებს...
(იბეჭდება მცირე ცვლილებით)
ყოველდღიური სპორტული გაზეთი "ლელო"
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
