"მართალი გითხრათ, თბილისში რთულ მატჩს ველოდით და საამისოდ ვემზადებოდით. თუმცა ჩვენი მოლოდინი არ გამართლდა. სპარინგიც კი არ გამოგვივიდა. 6:0 მოვიგეთ და ამ შედეგიდან გამომდინარე, ძნელია, ჩემი გუნდის თამაშზე სწორი დასკვნები გააკეთო. მიუხედავად ამისა, ჩემი გუნდის თამაშით კმაყოფილი ვარ. მატჩი ჩვენი კარნახით წარიმართა და ბურთსაც სრულად ვაკონტროლებდით. ვფიქრობ, ქართული გუნდის დამსახურებაა ის, რომ ყველაფერი იოლად გამგვდიოდა. ჩემი აზრით, ამ მატჩში გარდამტეხი მეორე გოლი იყო, რომელმაც "ვიტ ჯორჯია" ფსიქოლოგიურად მთლიანად გატეხა. მართალი გითხრათ, ქართული გუნდისგან უფრო მეტ ბრძოლასა და
მერაბ კოჭლაშვილი (ვიტ ჯორჯია):
"ამ ანგარიშით წაგების შემდეგ, ზედმეტი ლაპარაკი უხერხულია. თუმცა, რამდენიმე მომენტზე მინდა გავამახვილო ყურადღება. ბოლოს, თასის ფინალში ვითამაშეთ და მოვიგეთ. სხვადასხვა მიზეზების გამო, იმ შემადგენლობიდან დღეს 7-8 ფეხბურთელი არ გვყავდა. გამოკლებული მოთამაშეებიდან, უმეტესობას საკონტრაქტო ვადა ამოეწურა და კლუბი შეიცვალეს. მათ გარდა, ტრავმის გამო მცველი დავით ხურცილავა ვერ დაგვეხმარა, რაც ასე დიდი დანაკლისი იყო. ამ შეხვედრის მონაწილე ჩვენი ფეხბურთელების 75 პროცენტი, გასულ სეზონში დუბლებში ასპარეზობდა... თაობათა ცვლის პროცესში ვართ და ეს ყოველთვის რთული, მტკივნეული პერიოდია.
რაც შეეხება "ბანიკთან" მატჩს, საწყისი 30 წუთის განმავლობაში, თანაბარი თამაში იყო. მეორე გოლმა ჩვენს გუნდზე ფსიქოლოგიურად, დიდად იმოქმედა. მეორე ბურთი პენალტით გაგვიტანეს. რამდენად სამართლიანად დაინიშნა თერთმეტმეტრიანი, გადაჭრით რაიმეს თქმა გამიჭირდება. ჩემი აზრით, მაისაშვილს ბურთი ხელზე კი არ, სახეში მოხვდა".
