საქართველოს ნაკრების მთავარი მწვრთნელი თემურ ქეცბაია მსოფლიოს უკანასკნელი 15 წლის საუკეთესო მწვრთნელების სიაში მოხვდა, რომელიც ფეხბურთის ისტორიისა და სტატისტიკის საერთაშორისო ფედერაციამ (IFFHS) გამოაქვეყნა. პირველ ადგილზე "მანჩესტერ იუნაიტედის" შოტლანდიელი თავკაცი ალექს ფერგიუსონი გავიდა, რომელი უკვე 24 წელზე მეტია "ალისფერ ეშმაკებს" უდგას სათავეში.
თემურ ქეცბაია ჯერჯერობით თავმდაბლად იყოფს 203-207 ადგილს ბელგიის ახალგაზრდული ნაკრების თავკაც ჟან-ფრანსუა დე სარტთან, წარსულში ცნობილ შვედ სპეციალისტ ვიუიადინ ბოშკოვთან, რომელიც თავის დროზე "რომას" და მადრიდის "რეალს" წვრთნიდა, პოლონეთის ნაკრების მთავარ მწვრთნელ პაველ იანასთან და ბელარუსის "ბატეს" თავკაც ვიქტორ
რაც შეეხება ლიდერებს მსოფლიოს ბოლო 15 წლის საუკეთესო მწვრთნელების ათეულში შევიდნენ:
1. ალექს ფერგიუსონი (შოტლანდია) - 222
2. არსენ ვენგერი (საფრანგეთი) - 186
3. მარჩელო ლიპი (იტალია) - 146
4. გუს ჰიდინკი (ჰოლანდია) - 141
5. ჟოზე მოურინიო (პორტუგალია) - 135
6. ოტმარ ჰიტცფელდი (გერმანია - 134
7. ლუიშ ფელიპე სკოლარი ( ბრაზილია) -133
8. მარსელო ბიელსა (არგენტინა) - 127
9. სვენ-გორან ერიქსონი (შვედეთი) - 126
10. ფაბიო კაპელო (იტალია) -126
გამოთვლის სისტემა მარტივია - ყოველ წელს მწვრთნელთა საუკეთესო ოცეული ქულებით ფასდება 20-დან (წლის საუკეთესო მწვრთნელი) 1-მდე (20-ე ადგილი). შემდეგ შედეგები ჯამდება. ასე, რომ მაქსიმალური შედეგი, რომელიც ბოლო 15 წლის მანძილზე შეიძლება მოიპოვოს მწვრთნელმა - 300 ბალია. ეს იმ შემთხვევაში, თუ ის მთელი 15 წლის მანძილზე პირველ ადგილზე იქნება. აღსანიშნავია, რომ სერ ალექს ფერგიუსონმა არცთუ ცუდი შედეგი აჩვენა.
პოსტსაბჭოთა ქვეყნების მწვრთნელებისგან ყველაზე მაღლა ვალერი ლობანოვსკი აღმოჩნდა, რომელმაც რეიტინგში 35-ე ადგილი დაიკავა. 73-ე ადგილზე კლაუდი რანიერისთან და რამდენიმე ცნობილ მწვრთნელთან ერთად ოლეგ რომანცევია (რუსეთი), 79-ეა ოლეგ ბლოხინი (უკრაინა), 91-ე ალექსანდრ სტარკოვი (ლატვია), 119-ე ვალერი გაზაევი (რუსეთი), 152-ე ყურბან ბერდიევი (რუსეთი), 203-ე, როგორც უკვე მოგახსენეთ თემურ ქეცბაიაა, 213 - ადგილს კი იოზეფ საბო (უკრაინა) იკავებს.
მომზადებულია iffhs.de-ს მიხედვით
.
