ის, რომ 30 წლის ბოსნიელი მცველი ემირ სპაჰიჩი "სევილიაში" გადავიდოდა, რამდენიმე დღეა ცნობილია. ახალი კი ისაა, რომ "სევილიამ" თავისი ახალწვეული ოფიციალურად წარადგინა და კონტრაქტსაც ბეჭედი დაესვა. ბოსნიის ნაკრების კაპიტანმა სამი წლით დაუკავშირა ბედ-იღბალი ანდალუსიურ კლუბს. "სევილია" დაცვის ცენტრში გაძლიერებას საჭიროებდა. ესპანური კლუბი თავიდან "ჰოფენჰაიმის" მარვინ კომპერის ყიდვას აპირებდა, თუმცა შემდეგ არჩევანი სპაჰიჩზე შეჩერდა. "სევილიამ" "მონპელიეს" ბოსნიელის სანაცვლოდ სავარაუდოდ 2 მილიონი ევრო გადაუხადა. სპაჰიჩმა 2004-დან 2009 წლის ჩათვლით რუსული კლუბები მოიარა (შინიკი, ტორპედო, ლოკომოტივი), შემდეგ კი ფრანგულ "მონპელიეში" გადავიდა. სპაჰიჩი "სევილიას"
პიატი მივიდა, ჩორი გაარივერეს
მას შემდეგ, რაც "ვალენსიამ" არგენტინელი პაბლო პიატი დაიმატა "ალმერიიდან", "ღამურებმა" გადაწყვიტეს, მეორე არგენტინელთან, ალეხანდო "ჩორი" დომინგესთან განშორება. ის "ვალენსიაში" დიდი ზარ-ზეიმით მივიდა, როგორც რუსეთის სეზონის საუკეთესო ფეხბურთელი ("რუბინის" რიგებში), მაგრამ "ღამურებში" ფეხი ვერ მოიკიდა. 30 წლის ფეხბურთელმა გასულ სეზონში სულ 12 მატჩში ითამაშა, რაც ძალიან ცოტაა.
და აი, "ოლე" იტყობინება, რომ დომინგესი "ვალენსიამ" იჯარით "რივერ პლეიტში" გაუშვა. სხვათა შორის, დომინგესს სამი სეზონი გაუტარებია "რივერში", თუმცა მაშინ არგენტინული ფეხბურთის გრანდი ელიტაში ასპარეზობდა. სხვათა შორის, "ვალენსია" "ბარსელონას" შემტევის, ხეფრენ სუარესის დამატება სურს.
ბოლო გადაწყვეტილი ტრანსფერები პრიმერაში
თარიღი ფეხბურთელი საიდან სად თანხა
5 ივლისი ხოსე კარლოსი სევილია აეკ თავ. აგენტი
5 ივლისი კალა სევილია აეკ იჯარა
5 ივლისი ფაბიო კოენტრაო ბენფიკა რეალი 20 მლნ ევრო
5 ივლისი ესეკიელ გარაი რეალი ბენფიკა თავ. აგენტი
5 ივლისი დავიდ ნავარო ვალენსია ქსამაქსი თავ. აგენტი
5 ივლისი ხუან კალატაიუდი ერკულესი მალიორკა თავ. აგენტი
5 ივლისი პაბლო პიატი ალმერია ვალენსია 8 მლნ.
5 ივლისი ხოსეჩო ოსასუნა უესკა თავ. აგენტი
6 ივლისი ემირ სპაჰიჩი მონპელიე სევილია 2 მლნ
ყოველდღიური სპორტული გაზეთი "ლელო"
