მადრიდის "რეალის" ნახევარმცველმა მესუთ იოზილმა მომავალ "ელ კლასიკოზე" ისაუბრა.შეგახსენებთ, რომ მატჩი 30 იანვარს, ჩვენი დროით 00:00 საათზე დაიწყება.
"ჩვენი ამოცანაა, "ბარსელონას" მოვუგოთ და გამარჯვება ქომაგებს მივუძღვნათ.
ამჟამად კარგ ფორმაში ვართ და საკუთარ კედლებში გვიწევს თამაში. ძალიან მიხარია, ასეთი დიადი გუნდის ღირსებას რომ ვიცავ.
"ბარსელონა" ძლიერი გუნდია. მათ ბევრი შესანიშნავი ფეხბურთელი ჰყავთ, მაგრამ მხოლოდ საკუთარ თამაშზე ვართ ორიენტირებულები.
ჩვენი მიზანია, მოედანზე საკუთარი პოტენციალი ვაჩვენოთ და ორივე მატჩი მოვიგოთ. ახლა ნახევარფინალში ვართ და რა თქმა უნდა, უფრო მეტის მიღწევა გვინდა.
გამარჯვებისთვის
ფეხბურთელებს სურთ მაქსიმუმის გაღება საუკეთესოების წინააღმდეგ. ასეთი შეხვედრები განსაკუთრებულად უნდა მოიგო და ქომაგებს მიუძღვნა.
რონალდოს უდიდესი პოტენციალი აქვს, ის ერთ-ერთი საუკეთესოა მსოფლიოში და ამ ბოლო წლებში მან ყველას დაანახა, რომ გუნდისთვის საჭირო ფეხბურთელია, მაგრამ საბოლოო ჯამში ყველაფერი გუნდზეა დამოკიდებული და არა რონალდოზე ან ვინმე სხვა ფეხბურთელზე.
ბუნებრივია, მისი ძლიერი მხარეები ვიცით. ის აუცილებელია ჩვენთვის, თუმცა წარმატების მისაღწევად გუნდურად უნდა ვითამაშოთ", - თქვა იოზილმა.
ასევე იხილეთ:
რეალი VS ბარსელონა - 2013 წლის პირველი "ელ კლასიკო" [VIDEO]
