მადრიდის "რეალის" მცველმა რაფაელ ვარანმა "ბარსელონასთან" (3:1) ესპანეთის თასის ნახევარფინალურ მატჩზე ისაუბრა."ბედნიერები ვართ. როცა გუნდურ ფეხბურთს ვთამაშობთ, ვიცით, რომ მოვიგებთ. ახლა მომდევნო მატჩებზე უნდა ვიფიქროთ.
"ბარსელონასთან" თავის დაცვა რთულია. მათ შემადგენლობაში სწრაფი ფეხბურთელებია.
ვცდილობდით, ისე გვეთამაშა, რომ თავისუფალი ზონები არ ყოფილიყო.
ვცდილობ, გავაუმჯობესო ჩემი თამაში და ვისწავლო, რაც კარიერის განვითარებაში დამეხმარება. მზად ვარ ვითამაშო და გუნდს დავეხმარო", - თქვა ვარანმა "რეალის" ოფიციალურ ვებგვერდთან საუბრისას.
შეგახსენებთ, რომ "ბარსელონას" კარში მესამე გატანილი გოლის ავტორი ახალგაზრდა მცველი გახდა.
ასევე იხილეთ:
