ინფორმაცია მადრიდის "რეალის" ვალების შესახებ, რომლის მიხედვით, კლუბს 90 მილიონი ევრო აქვს გასასტუმრებელი, არასწორი აღმოჩნდა. ამის შესახებ გამოცემა AS-ი წერს.კლუბის დელეგატის ოფიციალურ ანგარიშში მხოლოდ ბანკების მიმართ დავალიანებაა ასახული. "სამეფო კლუბის" საერთო ვალი კი 541 მილიონ ევროს შეადგენს.
აღნიშნული თანხა წარმოადგენს "რეალის" ვალდებულებებს ფეხბურთელების, სხვა კლუბების, სახელმწიფოსა და ბიზნესპარტნიორების მიმართ.
ასეთი დიდი ვალი კლუბის შემოსავლის შემცირებამ გამოიწვია.
ბოლო წლების განმავლობაში "რეალის" შემოსავლის ზრდის დადებითი დინამიკა ყოველწლიურად 12%-ს უდრიდა, ხოლო გასულ წელს კლუბმა წინა წელთან შედარებით მხოლოდ 1%-ით მეტი მოგება მიიღო.
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
