ლა ლიგის ტრანსფერები: სერიოზული ჯერ მხოლოდ ენცოა

ესპანური ზამთრის სატრანსფერო სეზონი უჩვეულოდ მშრალია. ჯერჯერობით, მხოლოდ ერთ ტრანსფერს ეთქმის სერიოზული - "ვალენსიამ" არგენტინელი ნახევარმცველი ენცო პერესი დაიმატა.

საქმე იმაშია, რომ ფიფამ ესპანური ფეხბურთის ერთ-ერთ გრანდს ცელი გამოუსვა - ტრანსფერების უფლებას არ აძლევს; მეორე კი, უამრავი ჭორ-მართალის მიუხედავად, ჯერ ბაზარზე საერთოდ არ გამოჩენილა.

"ბარსელონას" ახალი ფეხბურთელების გაფორმება 2016 წლის იანვრამდე აკრძალული აქვს. არადა, ლუის ენრიკეს გუნდს რამდენიმე პოზიციაზე გაძლიერება არ აწყენდა. არ გაჭრა არც აპელაციამ და სავარაუდოდ, ამ ამბავს შეეწირა სპორტული დირექტორი ანდონი სუბისარეტაც, რომელიც "ბარსას" პრეზიდენტმა გაათავისუფლა. მოკლედ, "ბარსა" ვერავის იყიდის და შესაბამისად, ვინმესთან შელევაც გაუჭირდება.

აი, "რეალის" ტრანსფერები კი არ ჩანს. "სამეფო კლუბს" მარკო როისს, მარტინ ედეგორს და სხვებს უკავშირებენ, თუმცა ეს ჯერჯერობით მხოლოდ სპეკულაციებია.

ამასობაში, "ვალენსიამ" ყველაზე სოლიდური შევსება მიიღო - ლისაბონის "ბენფიკას" 25 მილიონი ევრო გადაუხადა ენცო პერესში. პერესს დებიუტი უკვე ჰქონდა "ღამურების" რიგებში, თანაც "სამეფო კლუბთან" თამაშში, რომელიც "ვალენსიამ" 2:1 მოიგო და "რეალის" 22-მატჩიანი მოგებათა სერია შეწყვიტა.

ენცო 28 წლისაა, ცენტრალური ნახევარმცველია და ადრე "გოდოი კრუსსა" და "ესტუდიანტესში" უთამაშია. ის არგენტინის ნაკრების სრულუფლებიანი წევრია და ანხელ დი მარიას ტრავმის შემდეგ მუნდიალზე სასტარტოს ფეხბურთელადაც იქცა, ნახევარფინალსა და ფინალში ის სასტარტო შემადგენლობაში იყო.

პერესში გადახდილი 25 მილიონი არგენტინელ ფეხბურთელთა ტრანსფერებში ისტორიაში მეათეა. ის პორტუგალიის ჩემპიონატის გასული სეზონის საუკეთესო ფეხბურთელია.

აღსანიშნავია ფერნანდო ტორესის დაბრუნება "ატლეტიკოში", ანხელ კორეას ტრანსფერი იმავე გუნდში და რაულ ალბენტოსას გადაბარგება "ნისლიან ალბიონზე".

იანვრის ტრანსფერები
თარიღი ფეხბურთელი საიდან სად თანხა
13 დეკ. ანხელ კორეა (არგ) სან ლორენსო ატლეტიკო 5,6 მლნ. ევრო
18 დეკ. მიჩელ ერერო ხეტაფე ვალენსია იჯ. დაბრ.
18 დეკ. მიჩელ ერერო ვალენსია გუანგჟოუ 0,6 მლნ.
19 დეკ. ხონათან ვიერა სტანდარდი ლას პალმასი იჯ.
28 დეკ. როკე სანტა კრუსი (პარ) მალაგა კრუს ასული 1,5 მლნ.
28 დეკ. პაბლო პერესი (არგ) მალაგა ბოკა იჯ.
29 დეკ. ფერნანდო ტორესი მილანი ატლეტიკო იჯ.
29 დეკ. ალესიო ჩერჩი (იტ) ატლეტიკო მილანი იჯ.
29 დეკ. საულ გარსია რასინგი დეპორტივო თავ. აგ.
29 დეკ. საულ გარსია დეპორტივო რასინგი იჯ.
30 დეკ. მაიკ ჰავენაარი (იაპ) კორდობა - თავ. აგ.
30 დეკ. მიგელ ლაიუნი (მექ) ამერიკა გრანადა თავ. აგ.
31 დეკ. ბორხა ფერნანდესი კალკუტა ეიბარი თავ. აგ.
1 იან. ხონათან პერეირა ვალეკანო ვილიარეალი იჯ. დაბრ.
1 იან. ხონათან პერეირა ვილიარეალი ვალიადოლიდი იჯ.
2 იან. ენცო პერესი (არგ) ბენფიკა ვალენსია 25 მლნ.
5 იან. ორიოლ რიერა უიგანი დეპორტივო იჯ.
5 იან. კეპა არიზაბალაგა ბილბაო პონფერადინა იჯ.
5 იან. ეგორ ფილიპენკო (ბელ) ბატე მალაგა თავ. აგ.
7 იან. ედიმარ ფრაგა (ბრა) კიევო კორდობა იჯ.
7 იან. კანი ვილიარეალი ატლეტიკო იჯ.
7 იან. ლას ბანგურა (გვი) ვალეკანო გრანადა იჯ.
7 იან. ხუან კალა - ხეტაფე თავ. აგ.
7 იან. ფერნ. არისტეგუიეტა (ვენ) ნანტი ხეტაფე იჯ.
7 იან. არტურო როდრიგესი ალკორკონი კორდობა იჯ. დაბრ.
7 იან. არტურო როდრიგესი კორდობა ლიაგოსტერა იჯ.
8 იან. ბებე (პორ) ბენფიკა კორდობა იჯ.
9 იან. თეო ბონგონდა (ბელ) ვარეგემი სელტა 1 მლნ.
9 იან. მიგელ ლაიუნი (მექ) გრანადა უოტფორდი თავ. აგ.
9 იან. ხავიერ ესპინოსა ვილიარეალი ალმერია იჯ.
9 იან. რაულ ალბენტოსა ეიბარი დერბი 0,6 მლნ.
9 იან. რაულ როდრიგესი ესპანიოლი ჰიუსტონი თავ. აგ.
9 იან. ივან მარკონე (არგ) არსენალი ხეტაფე იჯ.
12 იან. პაპე დიაკატე (სენ) გრანადა ერჩიეი თავ. აგ.
13 იან. კარლეს ხილი ელჩე ასტონ ვილა ?

ყოველდღიური სპორტული გაზეთი "ლელო"