TuttomercatoWeb-ის ცნობით, მადრიდის "რეალი" და "ბარსელონა" ბრაზილიური "სანტოსის" შემტევი ნახევარმცველით ლუკას ლიმათი არიან დაინტერესებული. თუმცა ესპანურ გრანდებს მოცილედ იტალიური "ნაპოლიც" ჰყავთ, რომელიც 25 წლის ფეხბურთელის გადაბირებას გასული ზაფხულის სატრანსფერო ფანჯრის დროსაც ცდილობდა, მაგრამ ბრაზილიელებთან შეთანხმებას ვერ მიაღწია.
მიუხედავად ამისა, "ნაპოლი" დანებებას არ აპირებს და მზადაა, ფეხბურთელისთვის ესპანურ გრანდებს შეეჭიდოს.
აღსანიშნავია, რომ ლიმა სამხრეთ ამერიკის ყველაზე იმედისმომცემ ფეხბურთელად ითვლება.
