მიუნხენის "ბაიერნის" მთავარმა მწვრთნელმა ხოსეპ გვარდიოლამ, რომელიც კატალონიის ესპანეთისგან გამოყოფას მხარს აქტიურად უჭერს, პოლიტიკური განცხადებები კიდევ ერთხელ გააკეთა."ბარსელონას" ყოფილი მთავარი მწვრთნელი ამ თემაზე გამოცემა El Punt Avui-ს ესაუბრა.
"ადრე თუ გვიან, კატალონია დამოუკიდებელი გახდება. უკან გზა არ არსებობს. და ის, რაც ამას მოჰყვება, ყველასთვის სასარგებლო იქნება. ესპანეთიც და კატალონიაც უკეთესად იქნებიან", - თქვა გვარდიოლამ.
