ლა ლიგა. X ტურის წინ: "აუდი" შენ, "აუდი" მე...

ჩემპიონატის ლიდერები მადრიდში თამაშობენ - "რეალი" ერთ-ერთ აუტსაიდერ "ლას პალმასს" მასპინძლობს, ხოლო "ბარსელონა" "ხეტაფეს" სტუმრობს. გამოსარჩევი თამაშებია ლა კორუნიაში, სან სებასტიანში და "ელ მადრიგალზე" და, რა თქმა უნდა, ვალენსიური დერბი.

ბურთების უკეთესი სხვაობის წყალობით, პირველი "რეალია" და ნაკლებად გვგონია, რომ ეს ამ ტურში შეიცვალოს. მართალია, "ლას პალმასი" არ არის იოლად გასატეხი გუნდი, მაგრამ "სამეფო კლუბთან" რას მოვა.

თამაშამდე "რეალის" პირველი გუნდის შემადგენლობას (23 მოთამაშე) და სამწვრთნელო შტაბს სასიამოვნო პროცედურა ჰქონდა გასავლელი - სპონსორმა "აუდიმ" ყველა მათგანს თითო ავტომობილი დაურიგა, მოდელები თავად ფეხბურთელებმა შეარჩიეს.

ახლა "სამეფო კლუბის" ლაზარეთზეც ვთქვათ: ქარიმ ბენზემამ მოირჩინა ძალიან სულელურ სიტუაციაში მიღებული ტრავმა და "ლას პალმასთან" ითამაშებს. თითქოს, მზად არის ხამეს როდრიგესიც, რომელსაც დიდი ხანია, არ უთამაშია.

აი, დანარჩენებს კი უჭირთ - პეპეს კიდევ 3-5 კვირა ესაჭიროება გამოსაჯანმრთელებლად, სერხიო რამოსს მხრის დასვენება ესაჭიროება, გარეთ ბეილი, მინიმუმ, ერთ კვირას კიდევ გამოტოვებს, ჭიანურდება დანიელ კარვახალის გამოჯანმრთელებაც.

"ლას პალმასი" ახალი მწვრთნელით ჩადის დედაქალაქში - კიკე სეტიენმა ახლახან შეცვალა პაკო ერერა. მან "რადიო მარკასთან" ინტერვიუში განაცხადა:

"რეალი" მეტოქეს თამაშის საშუალებას აძლევს. მათი საუკეთესო ფეხბურთელი ახლა კეილორ ნავასია, ეს კი ჩვენს შანსებს ზრდის. არა, "რაიო ვალეკანოსავით" სუიციდზე არ წავალთ, მე პაკო ხემესი არ ვარ, მაგრამ ჩვენ გვექნება შანსი, შევუქმნათ მათ პრობლემები".

ლუის ენრიკეს "ბარსელონა", რომელიც "ნეიმარგეიტმა" გვარიანად შეარყია, "ხეტაფეს" სტუმრობს. ოთხშაბათს "ბარსამ" სამეფო თასის მატჩში ვერაფერი მოუხერხა "ვილიანოვენსეს" - 0:0.

რა თქმა უნდა, "ბარსამ" ექსპერიმენტული შემადგენლობით ითამაშა. ახალგაზრდა კატალონიელებმა ვერაფერი განსაკუთრებული ვერ შექმნეს. ეს აღნიშნა კიდეც ლუის ენრიკემ თამაშის შემდეგ. ნეიმარსა და ლუის სუარესს (ისევე, როგორც ბევრ სხვა ვარსკვლავს) არ უთამაშიათ. კოპაზე "ბარსამ" 35-მატჩიანი გოლების სერია შეწყვიტა, თან ვის ვერ გაუტანა!

ხავიერ მასკერანოს მსაჯის შეურაცხყოფისთვის ორი მატჩით დისკვალიფიკაცია აკმარეს. "ბარსას" პრეზიდენტმა ბარტომეუმ თქვა, ესეც უსამართლოა, მაგრამ ვიღებთ ჯარიმასო. არგენტინელი მადრიდში ვერ ითამაშებს. "ბარსას" კვლავ აკლია მთავარი ვარსკვლავი - ლიონელ მესი.

ზედ ქალაქის დერბის წინ აუტსაიდერი "ლევანტე" 45 წლის კატალონიელმა რუბიმ ჩაიბარა. ვნახოთ, რას მოასწრებს "ბაყაყების" ახალი თავკაცი, შემდეგი ბრძოლა ხომ სეზონში უმთავრესია - "ღამურების" წინააღმდეგ. მატჩი "მესტალიაზე" გაიმართება და "ვალენსია" აშკარა ფავორიტია.

ტური გალისიაში იწყება, სადაც "დეპორტივო" დიეგო სიმეონეს "ატლეტიკოს" მასპინძლობს. მადრიდელების ახალი ფორვარდი, ჯექსონ მარტინესი, როგორც იქნა, ფორმაში შევიდა და მას სასტარტო შემადგენლობაში უნდა ველოდოთ.

X ტური
პარასკევი. 30 ოქტომბერი
დეპორტივო-ატლეტიკო 23:30
დისკვალიფიკაცია: არავინ
ტრავმა: ლუიზინიო, მანუ, ფაბრისიო, მიგელი (?), პაბლო (?) - ვიეტო
ბოლო 6 მატჩი
+2=2-2 +4=1-1
ურთიერთშეხვედრები
სულ 26 თამაში: +8=4-14, (29-43)

შაბათი. 31 ოქტომბერი
რეალი-ლას პალმასი 19:00
დისკვალიფიკაცია: არავინ
ტრავმა: როდრიგესი (?), პეპე, ბენზემა (?), კარვახალი, ბეილი (?), არბელოა (?), რამოსი - კასტელიანო, ალკარასი, ლოპესი
ბოლო 6 მატჩი
+4=2-0 +1=1-4
ურთიერთშეხვედრები
სულ 4 თამაში: +3=0-1, (15-5)

ვილიარეალი-სევილია 21:15
დისკვალიფიკაცია: არავინ
ტრავმა: ადრიანი (?), ბაპტიშტაო, მუსაჩიო (?), ასენხო (?), ბონერა - ლუისმი, კაკუტა (?), პარეხა, კარიშო, ბეტო
ბოლო 6 მატჩი
+3=1-2 +3=1-2
ურთიერთშეხვედრები
სულ 26 თამაში: +6=6-14, (25-38)

ვალენსია-ლევანტე 21:15
დისკვალიფიკაცია: არავინ
ტრავმა: რაიანი, აბდენური, როდრიგო, ფეგული, ალვეში - ტრუხილიო, ლოპესი
ბოლო 6 მატჩი
+2=1-3 +1=1-4
ურთიერთშეხვედრები
სულ 16 თამაში: +7=5-4, (24-14)

ხეტაფე-ბარსელონა 23:30
დისკვალიფიკაცია: ვიგარაი - მასკერანო
ტრავმა: მედრანი, მენსა, ვასკესი, ლაფიტა (?), იოდა (?) - რობერტო (?), რაფინია, ინიესტა (?), მესი
ბოლო 6 მატჩი
+3=1-2 +4=0-2
ურთიერთშეხვედრები
სულ 22 თამაში: +2=5-15, (17-50)

სოსიედადი-სელტა 01:05
დისკვალიფიკაცია: - კაბრალი
ტრავმა: ოიარზუნი (?), ნავასი (?), გრანერო (?), დე ლა ბელია - დრაჯიჩი (?), ფონტასი (?), ბლანკო (?)
ბოლო 6 მატჩი
+2=1-3 +3=2-1
ურთიერთშეხვედრები
სულ 22 თამაში: +6=10-6, (35-37)

კვირა. 1 ნოემბერი
ეიბარი-ვალეკანო 15:00
დისკვალიფიკაცია: - ტიტო
ტრავმა: ხაიმე, გონსალესი, ლუნა (?), რამისი, კარილიო, ვერდი, რეინა, დელ მორალი - ერნანდესი (?), სისე, კობენიო
ბოლო 6 მატჩი
+1=3-2 +3=0-3
ურთიერთშეხვედრები
სულ 2 თამაში: +1=0-1, (4-4)

ესპანიოლი-გრანადა 19:00
დისკვალიფიკაცია: სანჩესი -
ტრავმა: მორენო (?), დიოპი (?), გონსალესი (?), არბილია, სიანი (?), ბარდი (?) - მენდესი (?), ბუონანოტე (?), ექტორი, პერეირა (?)
ბოლო 6 მატჩი
+3=0-3 +0=3-3
ურთიერთშეხვედრები
სულ 8 თამაში: +5=1-2, (10-5)

სპორტინგი-მალაგა 21:15
დისკვალიფიკაცია: არავინ
ტრავმა: სანაბრია, კასტრო (?), ბარერა (?), კუელიარი - კამაჩო, ფერეირა, ანხელერი, რესიო (?), სანტა კრუსი, ამრაბატი
ბოლო 6 მატჩი
+2=1-3 +2=1-3
ურთიერთშეხვედრები
სულ 8 თამაში: +2=2-4, (8-11)

ბეტისი-ბილბაო 23:30
დისკვალიფიკაცია: არავინ
ტრავმა: ვარგასი (?), მატილია (?), რენელა, ვესტერმანი, მოლინა (?), ვან დერ ვაარტი (?) - იტურასპე (?), რამალიო, რიკო, მუნიაინი
ბოლო 6 მატჩი
+2=2-2 +2=2-2
ურთიერთშეხვედრები
სულ 26 თამაში: +8=9-9, (33-36)

ბომბარდირები: 8 - ნეიმარი (ბარსელონა); 7 - არიც ადურისი (ბილბაო), დურან ნოლიტო (სელტა), კრიშტიანო რონალდო (რეალი), ლუის სუარესი (ბარსელონა); 6 - ქარიმ ბენზემა (რეალი), ხავი გერა (რაიო ვალეკანო), იმანოლ აგირეჩე (რეალ სოსიედადი), ბორხა ბასტონი (ეიბარი).

ყოველდღიური სპორტული გაზეთი "ლელო"