ლა ლიგა. X ტური: სანამ მესი უქმობს...[VIDEO]

* "დეპორტივო"-"ატლეტიკო" და "ვალენსია"-"ლევანტე" მაღალი რისკის მატჩების სიაში იყო შეტანილი.

* ლუის სუარესმა კარიერაში მე-300 გოლი გაიტანა.

* დანი ალვეში პირველი უცხოელია, რომელმაც ლა ლიგაში 400 მატჩი ითამაშა.

* კრიშტიანო რონალდომ ლა ლიგაში 234 გოლი გაიტანა და უგო სანჩესს დაეწია. წინ მხოლოდ ტელმო ზარა (251 გოლი) და ლეო მესი (289) არიან.

* მადრიდის "ხეტაფეს" პრეზიდენტი სერიოზულად განიხილავს კლუბის სხვა ქალაქში გადაყვანის საკითხს.

სანამ ლეო მესი უქმობს, კრიშტიანო რონალდო ახალ-ახალ მიღწევებს გაეთამაშა. მისი მორიგი გოლი 317-ეა ტოპ-5 ლიგაში და ამ მაჩვენებლით "რეალის" ფორვარდი ინგლისელ სტივენ ბლუმერს გაუთანაბრდა და მესამეა. წინ მხოლოდ ორია: ჯიმი გრივზი (366) და გერდ მიულერი (365). რონალდოს გოლი "რეალს" ლიდერობის შენარჩუნებაში დაეხმარა.

20 წლის ხოსე მარია ხიმენესის უხეში შეცდომა "ატლეტიკოს" ორი ქულის დაკარგვად დაუჯდა - ურუგვაელმა მცველმა ბურთი კარის ხაზთან ახლოს მიიღო და ისე უდიერად მოექცა მას, რომ მუდამ ვერცხლისწყალივით მოძრავ ლუკას პერესს ჩააბარა - 27 წლის ესპანელმაც "დეპორტივოს" ქულა გადაურჩინა (1:1). წუთებში მაროკოელ ფაიშალ ფაირს მეტოქე გუნდის სულაც უქულოდ დატოვება შეეძლო, მაგრამ მისი დარტყმული ძელისა და ხარიხის კუთხედს მოხვდა.

მანამდე კი "ატლეტიკო" სჯობდა მეტოქეს. ამიტომაც ტიაგო ლოპეშის გოლი რამდენადაც შემთხვევითი იყო, იმდენად ლოგიკური გახლდათ. მოკლედ, "ატლეტიკო" მეორე ტაიმში გატყდა და ეს უკვე პირველად არ მოხდა ამ სეზონში. "მარკამ" 7-7 ბალით გოლების ორივე ავტორი გამოარჩია.

"დეპორტივოს" ფეხბურთელები და მწვრთნელები შეუერთდნენ ფანების მოთხოვნას - "სამართალი ჯიმისთვის". 11 თვის წინათ, მადრიდში "ატლეტიკოს" ფანებმა მდინარეში გადააგდეს "დეპორის" ერთ-ერთი ფანი, რომელიც მიღებული შოკისგან გარდაიცვალა. ხალხი დამნაშავის მოძებნას და დასჯას აქამდე ამაოდ ითხოვს.


ვიქტორი (დეპორტივო): "ძალიან მიხარია იმ სათამაშო დონის გამო, რომელიც "ატლეტიკოს" წინააღმდეგ ვაჩვენეთ, მეორე ტაიმში ბევრად მოვუმატეთ".

დიეგო სიმეონე (ატლეტიკო): "მეორე ტაიმში მოვეშვით, ეს ფაქტია და უნდა ვაღიაროთ".

"რეალი" კვლავ ლიდერია და კვლავ ბურთების უკეთესი სხვაობით უსწრებს "ბარსას". რაფა ბენიტესის გუნდმა 3:1 დაამარცხა "ლას პალმასი". აღსანიშნავია, რომ ყველა გოლი პირველ ტაიმში გავიდა.

კრიშტიანო რონალდომ სეზონში მე-8 გოლი თავურით გაიტანა. "სამეფო კლუბის" რიგებში 18 წლის ბორხა მაიორალის დებიუტი შედგა, მან ბოლო 4 წუთი ითამაშა და ბუნებრივია, ვერაფერი მოასწრო. კარში პირველად იდგა კიკო კასილია, რომელიც "რეალში" "ესპანიოლიდან" გადაბარგდა.

რაფაელ ბენიტესი (რეალი): "პირველი ტაიმი კვლავ ბრწყინვალედ ვითამაშეთ, პირველ 15 წუთში ორი გოლი გავიტანეთ. შესვენების შემდეგ თამაშის კონტროლი გვსურდა, მაგრამ ბურთი კარგად ვერ დავიჭირეთ. მეორე ტაიმით უკმაყოფილო ვარ, თუმცა გუნდს პროგრესს ვამჩნევ. ხესეს, ვასკესს და კაზემიროს გუნდისთვის სარგებელი მოაქვთ, ამიტომ ახალგამოჯანმრთელებულებს სასტარტოში მოსახვედრად ბრძოლა მოუწევთ. კონკურენცია კი, საბოლოო ჯამში, კარგია ჩვენი გუნდისთვის".

"ყვითელი წყალქვეშა ნავი" ერთი თავით სჯობდა "სევილიას", თუმცა ძლივს მოუგო - ამის მიზეზი იევჰენ კონოპლიანკას ჩაწოდება და ფერნანდო ლორენტეს თავური იყო. ანგარიში 2:1 გახდა "ვილიარეალის" სასარგებლოდ და, თითქოს, ვითარებაც დაიძაბა, მაგრამ ვალენსიურ კლუბს ამის შემდეგ აქეთ შეეძლო გატანა, დენის სუარესის დარტყმული ხარიხამ აისხლიტა. "სევილიამ" წააგო და ტრავმის გამო მთავარი მეგოლე კევინ გამეიროც დაკარგა.

"მარკამ" 8,5 ბალით "ვილიარეალის" ცენტრალური ნახევარმცველი ბრუნო სორიანო გამოარჩია.

"მესტალიაზე" "ღამურებისა" და "ბაყაყების" დერბი ვიხილეთ, რომლის ბედიც მეორე ტაიმში გადაწყდა. "ლევანტე" ჯერ მის კარში დანიშნულმა პენალტმა, შემდეგ კი სოფიან ფეგულის საეჭვო (შესაძლოა, თამაშგარე იყო) გოლმა გატეხა. "ვალენსიამ" დიდი ანგარიშით კი მოიგო (3:0), მაგრამ ეს არ ასახავს ძალთა თანაფარდობას. რომ არა მეკარე ხაუმე დომენეკი, "ლევანტე" პირველივე ტაიმში დაწინაურდებოდა.

"მარკამ" მატჩის საუკეთესო ფეხბურთელად წაგებული ხოსე ლუის მორალესი დაასახელა - 8 ბალი.

"ბარსელონამ" ზედიზედ მესამე ტურში მოიგო, კატალონიური გუნდის ბოლო 14 გოლი მხოლოდ ორ კაცს გააქვს - ლუის სუარესსა და ნეიმარს. ძალიან თვალსასეირო იყო პირველი გოლი, განსაკუთრებით კი, სერხი რობერტოს პასი. ეს სუარესის მე-300 გოლია კარიერაში. ნეიმარმა კი ჩემპიონატში მე-9 გოლი გაიტანა და კვლავ ლიდერობს ბომბარდირთა დავაში. "ბარსელონას" გამოჯანმრთელებული ანდრეს ინიესტა დაუბრუნდა.

"მარკამ" 8-8 ბალით სერხი რობერტო და ნეიმარი გამოარჩია, რომელმაც პელეს ამასწინანდელ კრიტიკას დიდებული თამაშით უპასუხა.

ლუის ენრიკე (ბარსელონა): "3 ქულა უფრო ჩვენი დამსახურებაა და არა "ხეტაფეს" ნაკლი. გუნდმა ხარისხიანი, შემტევი ფეხბურთი აჩვენა. პრესინგიც შესანიშნავი იყო. რაც შეეხება სერხიო ბუსკეტს, ის მსოფლიოში საუკეთესო ნახევარმცველია და, როგორც ამის შესაძლებლობა მაქვს, ვუფრთხილდები ხოლმე".

სან სებასტიანში იმანოლ აგირეჩესა და იაგო ასპასის დუელი ვიხილეთ. მათ ორ-ორი გოლი გაიტანეს, თუმცა მატჩის ბედი მაშინ გადაწყდა, როცა ასპასიც და აგირეჩეც გასულები იყვნენ. სტუმარმა პაბლო ერნანდესმა არანორმალური დარტყმით სამი ქულა და მესამე ადგილი მოუტანა ვიგოს "სელტას" - 2:3. "სელტამ" ამ საუკუნეში პირველად მოიგო "ანოეტაზე", ხოლო "რეალ სოსიედადს" ამ სეზონში ჯერ არ მოუგია თავის არენაზე.

"ელვები" "რეალის" მცველმა დიეგო ლორენტემ დაღუპა, რომელიც "რაიო ვალეკანოში" იჯარით თამაშობს. 22 წლის ფეხბურთელმა "ეიბართან" საგარეო მატჩში საკუთარი კარი დალაშქრა - 0:1.

ეკვადორელმა ფელიპე კაისედომ 94-ე წუთზე იხსნა "ესპანიოლი" "გრანადასთან" მარცხისგან - 1:1.

ალან ჰალილოვიჩმა "სპორტინგს" "მალაგასთან" შეხვედრაში მოაგებინა - 1:0.

X ტური
30 ოქტომბერი
დეპორტივო-ატლეტიკო 1:1
გოლები: 0:1 ტიაგო (34), 1:1 ლ. პერესი (76)
დეპორტივო (4-2-3-1): ლუქსი - ლაურე (75. ხუანფრანი), ლოპო, სიდნეი, ფ. ნავარო - ბორხესი, მოსკერა - კარტაბია, ფაირი, გუტიერესი (68. ლუის ალბერტო) - ლ. პერესი
ატლეტიკო (4-4-2): ობლაკი - ხუანფრანი, ხ. ხიმენესი, გოდინი, ფილიპე ლუიში - კოკე, გაბი, ტიაგო (81. ფ. ტორესი), ფერეირა-კარასკო (60. კორეა) - გრიზმანი, ჯ. მარტინესი (71. ს. ნიგესი)
გაფრთხილება: ფაირი, კარტაბია -
კუთხური: 1-6; ჯარიმა: 4-9; თამაშგარე: 1-0; კარში დარტყმა: 7-12 (3-3); ბურთის ფლობა: 43%-57%.
მაყურებელი: 24 608

31 ოქტომბერი
რეალი-ლას პალმასი 3:1
გოლები: 1:0 ისკო (4), 2:0 რონალდო (14), 2:1 ერნანი (38), 3:1 ხესე (43)
რეალი (4-3-3): კასილია - დანილო, ვარანი, ნაჩო, მარსელო - მოდრიჩი (46. ლ. ვასკესი), კაზემირო, კროოსი (86. მაიორალი) - ისკო, რონალდო, ხესე (79. მ. ლორენტე)
ლას პალმასი (4-1-4-1): ვარასი - სიმონი, აიტამი, ბიგასი, გარიდო - ვისენტე - ელ ჟარი (67. ალემანი), როკე, ერნანი (63. ტანა), ვიერა - ხოსე (79. არაუხო)
გაფრთხილება: - ერნანი, ვისენტე, აიტამი
კუთხური: 6-3; ჯარიმა: 12-9; თამაშგარე: 6-0; კარში დარტყმა: 17-8 (11-5); ბურთის ფლობა: 52%-48%.
მაყურებელი: 72 387

ვილიარეალი-სევილია 2:1
გოლები: 1:0 მარიო გასპარი (25), 2:0 ბაკამბუ (61), 2:1 ფ. ლორენტე (76)
ვილიარეალი (4-4-2): არეოლა - მარიო გასპარი, ბაილი (83. ბანეგა), რუისი, ხ. კოსტა - ჯონათან დოს სანტოსი, ტრიგეროსი (64. პინა), ბრუნო სორიანო, დენის სუარესი - სოლდადო, ბაკამბუ (72. ნ. ლეივა)
სევილია (4-2-3-1): ს. რიკო - კოკე (61. მარიანო), რამი, კოლოძეიჩაკი, ტრემულინა - იბორა (69. ფ. ლორენტე), კრიხოვიაკი - ვიტოლო, კრონ-დელი (61. ნ'ზონზი), კონოპლიანკა - გამეირო
გაფრთხილება: ბაილი, ბაკამბუ, სოლდადო, კოსტა, რუისი - იბორა, რამი, კონოპლიანკა
კუთხური: 7-5; ჯარიმა: 17-14; თამაშგარე: 2-4; კარში დარტყმა: 11-6 (5-3); ბურთის ფლობა: 52%-48%.
მაყურებელი: 16 730

ვალენსია-ლევანტე 3:0
გოლები: 1:0 პ. ალკასერი (64-პენ), 2:0 ფეგული (72), 3:0 ბაკალი (79)
ვალენსია (4-3-3): ხაუმე - კანსელო (80. ბარაგანი), სანტოსი, ვეზუ, გაია - ე. პერესი (68. პარეხო), ფუეგო, ანდრე გომეში - ფეგული, პ. ალკასერი, პიატი (46. ბაკალი)
ლევანტე (4-3-3): რუბენი - პ. ლოპესი, დ. ნავარო, ხუანფრანი, ტონიო - ლერმა, სიმაო, კამარასა (80. ჩუმეტრა) - მორალესი, როხერი (71. ღილასი), რუბენ გარსია (70. კასადესუსი)
გაფრთხილება: პერესი, გომეში - გარსია, რუბენი
კუთხური: 5-5; ჯარიმა: 19-21; თამაშგარე: 4-1; კარში დარტყმა: 13-10 (6-5); ბურთის ფლობა: 60%-40%.
მაყურებელი: 39 053

ხეტაფე-ბარსელონა 0:2
გოლები: 0:1 ლ. სუარესი (37), 0:2 ნეიმარი (58)
ხეტაფე (4-4-2): გუაიტა - დ. სუარესი, ვერხინი, ალექსისი, ლაგო - პედრო ლეონი (59. ლაფიტა), ხ. როდრიგესი (79. მენსა), ლასენი, ვ. როდრიგესი - სარაბია (68. მ. გომესი), შჩეპოვიჩი
ბარსელონა (4-3-3): ბრავო - დ. ალვეში, პიკე, მატიო, ალბა - ს. რობერტო (75. ს. რამირესი), ბუსკეტსი, რაკიტიჩი - ელ ჰადადი (60. ინიესტა), ლ. სუარესი, ნეიმარი
გაფრთხილება: ალექსისი, ხ. როდრიგესი, სუარესი -
კუთხური: 3-5; ჯარიმა: 10-3; თამაშგარე: 4-5; კარში დარტყმა: 6-14 (0-6); ბურთის ფლობა: 29%-71%.
მაყურებელი: 10 089

სოსიედადი-სელტა 2:3
გოლები: 1:0 აგირეჩე (11), 1:1 ასპასი (17), 2:1 აგირეჩე (37), 2:2 ასპასი (56), 2:3 პ. ერნანდესი (89)
რეალ სოსიედადი (4-2-3-1): რული - ზალდუა, მ. გონსალესი, ი. მარტინესი, ი. ბერჩიჩე - ილიარამენდი, ბერგარა (90. გ. კასტრო) - ჩაბი პრიეტო, ველა, ზურუტუზა (56. ბრუმა) - აგირეჩე (84. ჟონათასი)
სელტა (4-3-3): ს. ალვარესი - მალიო, ს. გომესი, ფონტასი, ხონი - ვასი, რადოია, პ. ერნანდესი - ორელიანა (90. მადინდა), ასპასი (82. გუიდეტი), ნოლიტო (92. პლანასი)
გაფრთხილება: ზალდუა, ილიარამენდი - რადოია, ერნანდესი, ასპასი, ხონი
კუთხური: 8-7; ჯარიმა: 9-12; თამაშგარე: 0-4; კარში დარტყმა: 20-16 (5-8); ბურთის ფლობა: 43%-57%.
მაყურებელი: 19 927

1 ნოემბერი
ეიბარი-ვალეკანო 1:0
გოლი: 1:0 დ. ლორენტე (21 ს. კ.)
ეიბარი (4-2-3-1): რიესგო - კაპა, მ. დოს სანტოსი, პანტიჩი, ჟუნკა - დ. გარსია, ესკალანტე - კეკო, ვერდი (59. ენრიჩი), ბერხონი (74. ინუი) - ბასტონი (88. ლილიო)
რაიო ვალეკანო (4-2-3-1): ტონიო - ტიტო (69. მანუშო), დ. ლორენტე, ზე კაშტრო, რაცი - ტრაშორასი, ბაენა - ებერტი (64. ლ. ბანგურა), ხოსაბედი (53. პ. ერნანდესი), ბებე - გერა
გაფრთხილება: ენრიჩი, გარსია - ებერტი, ბებე, გერა
კუთხური: 2-6; ჯარიმა: 17-11; თამაშგარე: 7-5; კარში დარტყმა: 12-6 (1-2); ბურთის ფლობა: 38%-62%.
მაყურებელი: 5 353

ესპანიოლი-გრანადა 1:1
გოლები: 0:1 ბაბენი (58), 1:1 კაისედო (94)
ესპანიოლი (4-2-3-1): პაუ ლოპესი - რობერი, ა. გონსალესი, როკო, დუარტე - დიოპი, კანიასი (62. სილა) - ე. პერესი, ასენსიო, ვ. ალვარესი (70. აბრაამი) - კაისედო
გრანადა (4-2-3-1): ა. ფერნანდესი - ფულკიე, ბაბენი, ლომბანი, ბირაგი (71. რუისი) - რ. პერესი, კრჰინი - პიტი, მარკესი (74. ფ. რიკო), საქსესი - ელ-არაბი (48. როჩინა)
გაფრთხილება: რობერი, როკო - მარკესი, ლომბანი, ბირაგი, როჩინა, პერესი, ბაბენი
გაძევება: რობერი (68)
კუთხური: 5-6; ჯარიმა: 16-19; თამაშგარე: 4-3; კარში დარტყმა: 10-9 (4-5); ბურთის ფლობა: 57%-43%.
მაყურებელი: 18 890

სპორტინგი-მალაგა 1:0
გოლი: 1:0 ჰალილოვიჩი (27)
სპორტინგი (4-2-3-1): კუელიარი - ლორა, ლ. ერნანდესი, ბერნარდო, ი. ლოპესი - ს. ალვარესი, მასკარელი - პ. პერესი (63. ფრაილე), ჰალილოვიჩი, ჯონი (76. მენენდესი) - გერერო (83. აიტ-ატმანე)
მალაგა (4-2-3-1): კამენი - როსალესი, ალბენტოსა, ველიგტონი, ბოკა (76. ჩოპი) - რესიო, ნაჩო კამაჩო (28. ესპინიო) - ტიღადოუინი (59. დუდა), ფორნალსი, ხუან კარლოსი - შარლესი
გაფრთხილება: ბერნარდო - ალბენტოსა, რესიო, ველიგტონი
კუთხური: 7-5; ჯარიმა: 11-8; თამაშგარე: 4-1; კარში დარტყმა: 8-13 (6-5); ბურთის ფლობა: 36%-64%.
მაყურებელი: 22 506

ბეტისი-ბილბაო 1:3
გოლები: 0:1 ვილიამსი (8), 0:2 ვილიამსი (45), 1:2 რ. კასტრო (66-პენ), 1:3 რაულ გარსია (87)
ბეტისი (4-4-2): ადანი - პიჩინი, ბრუნო, პეცელა, მოლინერო (56. ვარელა) - ხოაკინი, ნ'დიაი, სებალიოსი (82. მოლინა), პორტილიო (46. დიგარი) - ვან ვოლფსვინკელი, რ. კასტრო
ბილბაო (4-2-3-1): ირაისოსი - დე მარკოსი (51. ბოვედა), ეჩეიტა, ლაპორტი, ბალენსიაგა - სან ხოსე, ბენიატი (88. გ. ელუსტონდო) - ვილიამსი (78. ლეკუე), რაულ გარსია, საბინი - ადურისი
გაფრთხილება: სებალიოსი, ბრუნო - გარსია, სან ხოსე, ლაპორტი, ეჩეიტა
კუთხური: 7-9; ჯარიმა: 9-13; თამაშგარე: 4-2; კარში დარტყმა: 11-23 (3-9); ბურთის ფლობა: 52%-48%.
მაყურებელი: 25 872

ბომბარდირები: 9 - ნეიმარი (ბარსელონა); 8 - იმანოლ აგირეჩე (რეალ სოსიედადი), კრიშტიანო რონალდო (რეალი), ლუის სუარესი (ბარსელონა); 7 - არიც ადურისი (ბილბაო), ნოლიტო (სელტა)

მომდევნო ტური
6 ნოემბერი:
ლას პალმასი-რეალ სოსიედადი

7 ნოემბერი:
სელტა-ვალენსია, ლევანტე-დეპორტივო, ეიბარი-ხეტაფე, რაიო ვალეკანო-გრანადა, მალაგა-ბეტისი

8 ნოემბერი:
ბილბაო-ესპანიოლი, ბარსელონა-ვილიარეალი, ატლეტიკო-სპორტინგი, სევილია-რეალი.

ყოველდღიური სპორტული გაზეთი "ლელო"