კატალონიის ფეხბურთის ფედერაციამ 2014/15 წლების საფეხბურთო სეზონი შეაჯამა და კატალონიის საუკეთესო ფეხბურთელად ჟერარდ პიკე დაასახელა, მწვრთნელად კი - "ესპანიოლის" თავკაცი სერხიო გონსალესი. პიკემ ხმების 73% მიიღო, მეორე ადგილზე გავიდა ალეიშ ვიდალი (სევილია), "ბარსელონას" ახალწვეულს 14% ერგო, ხოლო მესამეზე გასულ კიკო კასილიას (ესპანიოლი) - 13%.
შეგახსენებთ, რომ კასილია ახლა "სამეფო კლუბის" კარს იცავს, ხოლო ვიდალი ფიფას დისკვალიფიკაციის გამო ვერ თამაშობს "ბარსელონაში". დაჯილდოების ცერემონიალი 9 ნოემბერს ბარსელონაში გაიმართება.
კატალონიის სეზონის საუკეთესო ახალგაზრდა ფეხბურთელი გახდა "არსენალის" განაპირა მცველი ექტორ ბელერინი, მან ხმების 57%
სპეციალური პრიზით დააჯილდოებენ ფეხბურთიდან წასულ რაულ ტამუდოს, ხოლო "ზალცბურგის" ფორვარდ ჟონათან სორიანოს გადაეცემა კატალონიის ბომბარდირის პრიზი.
მწვრთნელთა ნომინაციაში გონსალესმა პეპ გვარდიოლას და პაკო ერერას აჯობა, რომელიც ახლახან მოხსნეს "ლას პალმასის" მწვრთნელობიდან.
ყოველდღიური სპორტული გაზეთი "ლელო"
