ჭორები ლიონელ მესის "ბარსელონადან" შესაძლო წასვლის შესახებ ისევ ვრცელდება. ამბობენ, არგენტინელი მზად არის "ბარსელონა" დატოვოს და პრემიერლიგაში გადაბარგდესო. მას ბევრი მსურველი ჰყავს, მაგრამ თავად ლეოს ლონდონის "არსენალი" ყველას ურჩევნიაო.
თუმცა მას კვირაში 600 ათასი ფუნტის გამომუშავება სურს და რამდენად აქვს "არსენალს" ამდენის გამეტებისა და პლუს, "ბარსას" დაპურების საშუალება, ეს იმაზე უფრო საკითხავია, ვიდრე, რამდენად შეესაბამება ეს მითქმა-მოთქმა სიმართლეს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
