კატალონიის ბარსელონას ბრაზილიელმა ფორვარდმა ნეიმარმა, რომლის მიმართაც ინტერესს მადრიდის "რეალი" იჩენს, მოლაპარაკებების წარმოებაზე უარი განაცხადა.ინფორმაციას ამის შესახებ sport.es ავრცელებს.
წყაროს ინფორმაციით, "სამეფო გუნდის" პრეზიდენტი ფლორენტინო პერესი რამდენჯერმე ნეიმარის მამას ესაუბრა ტელეფონით და შვილის ტრანსფერზე დაყოლიებას ეცადა, მაგრამ ის ყოველთვის უარით ისტუმრებდა.
შეგახსენებთ, რომ ნეიმარის მიმართ მადრიდული გუნდის გარდა ინტერესს ასევე "მანჩესტერ იუნაიტედი" და პსჟ იჩენენ.
მიმდინარე სეზონში ჩატარებულ 18 შეხვედრაში ბრაზილიელის ანგარიშზე 16 გოლი და 9 საგოლე გადაცემაა.
