კატალონიის "ბარსელონამ" 19 წლის სერხი გვარდიოლას, რომელმაც ორშაბათს გუნდთან კონტრაქტი გააფორმა და ახალგაზრდულ გუნდში უნდა ეთამაშა, 3 საათში კონტრაქტი გაუწყვიტა. მიზეზი ახალგაზრდა ფეხბურთელის 2013 წელს სოციალურ ქსელ "ტვიტერში" დაწერილი პოსტებია, სადაც მან "Hala Madrid" და კატალონიის მიმართ შეურაცხმყოფელი სიტყვები დაწერა.
"ვიცი, რომ შეცდომა დავუშვი. კატალონიას და "ბარსელონას" ბოდიშს ვუხდი. კლუბის გადაწყვეტილება მესმის, მეც ასე მოვიქცეოდი.
მინდა ავხსნა სიტუაცია: ეს ყველაფერი მე არ დამიწერია. მეგობარმა გამომართვა ტელეფონი და მან გააკეთა. პოსტები 2013 წელს გამოჩნდა, მათ შესახებ კი არაფერი ვიცოდი. ეს ხუმრობა იყო.
სერხი გვარდიოლას კატალონიელთა ყოფილ მთავარ მწვრთნელ პეპ გვარდიოლასთან არანაირი კავშირი არ აქვს.
