* "ბარსელონამ" ბოლოს მატჩი უგოლოდ 30 ტურის წინ დაასრულა. "ესპანიოლამდე" "ბარსას" შემტევების "ამოკეტვა" "მალაგამ" მოახერხა (21 თებერვალს).* "ატლეტიკოს" "ლევანტესთან" ჩატარებული 10 საშინაო შეხვედრიდან 9 მოგებული აქვს. მოიგო უკანასკნელიც, ოღონდ დიდი გაჭირვებით, თომას პარტის გვიანი გოლით.
* თომას პარტეიმ ლა ლიგის ბოლო ორ მატჩში ორ გოლში მიიღო მონაწილეობა. "ათლეტების" ახალგაზრდა ნახევარმცველის აქტივში გოლი და პასია.
* "რეალ სოსიედადს" შანსი ჰქონდა, ისტორიაში პირველად დაემარცხებინა "რაიო ვალეკანო" ზედიზედ ორჯერ, მაგრამ 2:2-ს დასჯერდა.
* "სევილიამ" ამ სეზონში პირველად "მოახერხა" საგარეო შეხვედრის პირველ ტაიმში
* 1972 წლის აპრილის მერე "გრანადამ" საკუთარ კედლებში პირველად დაამარცხა "სევილია".
* კეკომ "ეიბარის" ბოლო 4 გოლიდან 3-ში მიიღო მონაწილეობა - ორი თავად გაიტანა, ერთხელ კი პასი გააკეთა. "ბეტისთან" მას შესანიშნავი მატჩი გამოუვიდა.
* "ეიბარმა" სევილიაში 4:0 იძალა და ეს ამ კლუბის ისტორიაში ყველაზე დიდსხვაობიანი საგარეო გამარჯვება გახდა.
* ისააკ საქსესმა მიმდინარე ჩემპიონატში 90-ჯერ სცადა დრიბლინგის შესრულება, რაც სულ ცოტა, 43-ჯერ მეტია, ვიდრე "გრანადას" რომელიმე სხვა ფეხბურთელის შედეგი.
* "ეიბარის" დარტყმების 17,7% გოლით სრულდება. მხოლოდ "ბარსელონას" აქვს უფრო მაღალი მაჩვენებელი (17,8%).
* ლა ლიგის ამჟამინდელი ფეხბურთელებიდან ოდენ ლიონელ მესის აქვს ესპანეთის ჩემპიონატში უფრო მეტი (33) კლუბის კარში გატანილი გოლი, ვიდრე არიც ადურისს (31).
* წინა სეზონის დაწყებიდან დღემდე ლა ლიგაში გოლს პლუს პასის სისტემით სამი ყველაზე შედეგიანი მცველია: მარსელო - 13 (4 გოლი, 9 პასი), მარიო გასპარი - 8 (5 გოლი, 3 პასი), ხოსე ლუის გაია (1 გოლი, 6 პასი).
* ტანა გახდა "ლას პალმასის" პირველი ფეხბურთელი, რომელმაც გოლი საჯარიმოს გარედან გაიტანა ამ სეზონში.
* ევროპის 5 წამყვან ჩემპიონატში (საფრანგეთის ლიგა 1-ის ჩათვლით) 12 გოლით ქარიმ ბენზემა საუკეთესო ფრანგი ბომბარდირია.
* კრიშტიანო რონალდომ ბოლო 8 მატჩში 18 გოლში მიიღო მონაწილეობა - 12 გოლი, 6 პასი.
* დანი პარეხო გახდა პირველი ფეხბურთელი მიმდინარე სეზონში, რომელმაც "რეალს" პენალტი გაუტანა.
* წინა სეზონის დაწყებიდან აქამდე პარეხო არის ნახევარმცველი, რომლის აქტივშიც ყველაზე მეტი (17) ბურთია. იგი ერთი გოლით უსწრებს ხამეს როდრიგესს.
* მიმდინარე ლა ლიგაში ყველაზე მეტი თავური გოლი (4) მადრიდის "რეალის" უელსელ ლეგიონერს, გარეთ ბეილს აქვს გატანილი.
* "სამეფო გუნდს" ყველაზე მეტი (7) ბურთი აქვს გაშვებული თავური დარტყმებით.
* "ვალენსიას" საკუთარ კედლებში ჩემპიონატის 21 მატჩია, არ წაუგია. ამაზე უკეთესი სერია გუნდს ბოლოს 1990 წლის ოქტომბერში დაუსრულდა, როდესაც მიჯრით 22 დაუმარცხებელი საშინაო შეხვედრის მერე წაგება იგემა.
* "ღამურებთან" მატჩში ტონი კროოსის 80 პასიდან 80-ივე ზუსტი იყო. მიმდინარე სეზონში 100%-იანი შედეგი სხვებსაც ჰქონიათ, მაგრამ 80 ან მეტი პასით არავის.
ყოველდღიური სპორტული გაზეთი "ლელო"
