* ფერნანდო ტორესმა "ატლეტიკოს" მაისურით მე-100 გოლი გაიტანა.* "ატლეტიკომ" დიეგო სიმეონეს ხელმძღვანელობით 150-ედ მოიგო.
* "დეპორტივომ" 23 თამაშში 13 ფრე ითამაშა.
* ლუის ენრიკემ "ბარსელონას" მწვრთნელის რანგში მე-100 მატჩი გამართა. მან 100-დან 80 თამაში მოიგო, 11 ფრედ დაასრულა და მხოლოდ 9 წააგო.
* ლუის ენრიკემ ხოსეპ გვარდიოლას რეკორდი გაიმეორა "ბარსელონაში" - ზედიზედ 28 წაუგებელი მატჩი.
* "ვალენსიამ" მოუგებელი სერია 12 ტურამდე გაზარდა.
ამ ტურში ლიდერებმა ვერ გაილაღეს, თუმცა 3-3 ქულა მაინც მოიპოვეს. აი, გარი ნევილის "ვალენსიას" საშველი კი არ
ვენესუელელი ვენესუელელის ნაკვალევზე
"მალაგას" ევროთასებისთვის ბრძოლაზე ფიქრი შეუძლია, რატომაც არა, როცა გუნდში ისეთი შესანიშავი ფეხბურთელები თამაშობენ, როგორიც 22 წლის "ხუანპი" ანიორი და ბრაზილიელი შარლესი არიან. პირველმა შესანიშნავი სოლო-რეიდით გახსნა ანგარიში "ხეტაფესთან" მატჩში, მეორემ კი ჯერ დებიუტანტ კრისტიან ატსუს გაატანინა, შემდეგ თავად შეაგდო - 3:0. არადა, ეს ის "მალაგაა", რომელმაც პირველ 6 ტურში ვერ გაიტანა და 23-დან 15-ში ეს საერთოდ ვერ მოახერხა. ხუანპიმ 8,5 ბალი მიიღო "მარკასგან", ხოლო შარლესმა - 8. ვენესუელელი ხუანპი კიდევ ერთხელ უნდა ვახსენოთ, მან ზედიზედ სამ ტურში გაიტანა, რაც 2010/11 წლების სეზონის მერე "მალაგაში" არავის გაუკეთებია. მაშინ ეს ხოსე სალომონ რონდონმა მოახერხა (ასევე ვენესუელელმა).
ელ ნინიოს ასი
დიეგო სიმეონემ დაცვის ცენტრში ნახევარმცველი საულ ნიგესი დააყენა და სწორედ მას წაუბორძიკდა ფეხი "ეიბართან" მეორე ტაიმის დასაწყისში და კეკომ ანგარიში გახსნა, მაგრამ "ატლეტიკომ" თამაშის შემოტრიალება შეძლო. კოკემ ორი ზუსტი ჩაწოდებით ორ მცველს გაატანინა, ჯერ კუთხურიდან ხოსე ხიმენესს, შემდეგ - იმავე ნიგესს. 91-ე წუთზე კი შეცვლაზე შემოსულთა კომბინაცია დაგვირგვინდა გოლით, ვიეტომ ჩააწოდა და ფერნანდო ტორესმა, ფაქტობრივად, ცარიელ კარში გაიტანა - 3:1. ეს "ელ ნინიოს" მე-100 გოლი იყო "როხიბლანკოს" მაისურით, ამ სეზონში მან სულ მესამედ გაიტანა. ბოლოს ტორესმა გოლი სწორედ "ეიბარის" კარში გაიტანა I წრეში. მატჩის შემდეგ "ელ ნინიომ" საიუბილეო მაისურა "ატლეტიკოს" აკადემიის ყოფილ შეფს, 80 წლის ანხელ ბრინიასს აჩუქა, ვისი რეკომენდაციითაც მოხვდა ის "ატლეტიკოს" მთავარ გუნდში. "მარკამ" 7-7 ბალით ფერნანდო და ოლივერ ტორესები გამოარჩია.
დიეგო სიმეონე (ატლეტიკო): "ეს გოლი ძალიან მნიშვნელოვანია ფერნანდოსთვის. ის ძალიან ბედნიერია. მომეწონა, რომ გუნდურად ვითამაშეთ. მართალია, პირველ ტაიმში კარგად ვერ გამოვიყურებოდით, მაგრამ შემდეგ ყველაფერი დალაგდა".
იხილეთ ვიდეო
"ელვებმა" გაისროლეს
"რაიო ვალეკანომ" ლამის 6-ქულიანი თამაში მოიგო უშუალო კონკურენტ "ლას პალმასთან" - 2:0. გუნდი მესამე წუთზე ვენესუელელმა მიკუმ დააწინაურა, რაც დიდწილად, მეკარე ხავი ვარასის "დამსახურებაა". მეორე ტაიმში მიკუმ პორტუგალიელ ბებეს გაატანინა და "ლას პალმასი" სტუმრად კვლავ მოგების გარეშე რჩება. საუკეთესოები ("მარკას" აზრით) ზემოთ ნახსენები ვარასი და ბებე იყვნენ - 7,5-7,5 ბალით. ჩეხვა "სან მამეს ბარიაზე"
"ყვითელმა წყალქვეშა ნავმა" მისია შეასრულა - მე-4 ადგილისთვის ბრძოლაში "სან მამეს ბარიაზე" "ბილბაოსთან" ფრეც კარგი შედეგია - 0:0. მაგრამ ფანები გაწბილებულები დარჩნენ - თითქმის 40 ჯარიმა 90 წუთში, 12 ბარათი (აქედან 2 წითელი), სულ რაღაც 3 ზუსტი დარტყმა კარში და არც ერთი გოლი. ასეთია ტურის ერთ-ერთი ცენტრალური მატჩის სტატისტიკა. თავადაც მიხვდებით, როგორი თამაში იქნებოდა. "მარკამ" ერთი ფეხბურთელის გამორჩევა მაინც შეძლო, სტუმარი დენის სუარესის - 8 ბალი.ასტურიულ-გალისიურ დუელში ყველაზე საინტერესო პირველ ტაიმში მოხდა, "სპორტინგის" ხონათანის გოლს გოლითვე უპასუხა "დეპორტივოს" ლუის ალბერტომ - 1:1. "მარკამ" სწორედ გოლების ავტორები გამოარჩია 7-7 ბალით.
ლუის ენრიკეს ასი
ლუის ენრიკემ "ვალენსიას" 7:0 განადგურებისა და "ლევანტესთან" მატჩის წინ განაცხადა, რომ "ბარსა" ფორმაში არაა. ეს ვალენსიური კლუბების მიმართ დაცინვასავით ჟღერდა, თუმცა "სიუტატ დე ვალენსიაზე" კატალონიურმა გუნდმა მართლაც ვერ აჩვენა საუკეთესო თამაში. პირველ ტაიმში ჟორდი ალბას ჩაწოდებას დავიდ ნავაროს შეცდომა მოჰყვა, მცველმა ზურგით საკუთარი კარი დალაშქრა. ეს ანგარიში კი მატჩის ბოლომდე შენარჩუნდა, მეორე კომპენსირებულ წუთზე კი "ბარსამ" კონტრშეტევაზე (!) იხეირა - ლეო მესიმ ლუის სუარესი მოძებნა და ურუგვაელმაც სეზონში მე-20 გოლი გაიტანა. ასე დასრულდა ლუის ენრიკეს მეასე მატჩი "ბარსას" თავკაცის რანგში, არცთუ თვალსასეირო ფეხბურთი, მაგრამ მორიგი სამი ქულა. "მარკას" 6 ბალზე მეტი ერთი ფეხბურთელისთვისაც არ დაუწერია.
ლუის ენრიკე (ბარსელონა): "რთულ თამაშს ველოდით, ქარი ორივე გუნდს უშლიდა ხელს. ძალიან მნიშვნელოვანი ქულები მოვიპოვეთ და ბედნიერი ვარ. მიხარია, რომ უკვე ასი თამაშია "ბარსას" თავკაცობ, მაგრამ იმედია, წინ კიდევ ბევრი თამაში მაქვს. "ბარსელონა" კი ყველა შეჯიბრებაში კარგად მიდის".
იხილეთ ვიდეო
სადამდე გარი?
"ბეტისმა" ხუან მერინოს ხელმძღვანელობით პირველი გამარჯვება მოიპოვა, ხოლო გარი ნევილის "ვალენსიამ" ზედიზედ მე-12 ტური გალია მოგების გარეშე. სევილიელთა ვეტერანმა ფორვარდმა რუბენ კასტრომ გამარჯვების გოლით ინგლისელი სპეციალისტი უარგუმენტოდ დატოვა - 1:0. 10 კაცით მოთამაშე "სევილიამ" არ წააგო ვიგოში "სელტასთან". ანდალუსიური გუნდი იგებდა, მაგრამ ახალწვეულმა კლაუდიო ბოვიუმ 63-ე წუთზე "სელტას" ქულა გადაურჩინა.
კვირის ბოლო მატჩში "რეალმა" სტუმრად ძლივს დაამარცხა "გრანადა" - 2:1. "რეალი" ბენზემამ დააწინაურა, მაგრამ ანდალუსიელებმა გაათანაბრეს და რომ არა ლუკა მოდრიჩი, ზინედინ ზიდანი კვლავ ვერ იმარჯვებდა სტუმრად.
იხილეთ ვიდეო
XXIII ტური
5 თებერვალი
მალაგა-ხეტაფე 3:0
გოლები: 1:0 ხუანპი (9), 2:0 ატსუ (24), 3:0 შარლესი (43)
მალაგა (4-4-2): კამენი - როსალესი, მ. ტორესი, ფილიპენკო, ბოკა - ხუანპი, ნაჩო კამაჩო, რესიო (61. ფორნალსი), ატსუ (46. ორტა) - ჩოპი, შარლესი (77. სანტა კრუსი)
ხეტაფე (4-2-3-1): გუაიტა - დ. სუარესი (67. იოდა), ვერხინი, ველასკესი, ვიგარაი - ხ. როდრიგესი (76. მედრანი), ლასენი (46. ა. ვასკესი) - პედრო ლეონი, ვ. როდრიგესი, მ. გომესი - შჩეპოვიჩი
გაფრთხილება: რესიო, ხუანპი, ორტა - ლასენი, ხ. როდრიგესი, ვერხინი
კუთხური: 4-6; ჯარიმა: 10-10; თამაშგარე: 2-2; კარში დარტყმა: 8-6 (4-2); ბურთის ფლობა: 45%-55%.
მაყურებელი: 20 268
6 თებერვალი
ატლეტიკო-ეიბარი 3:1
გოლები: 0:1 კეკო (46), 1:1 ხ. ხიმენესი (56), 2:1 ს. ნიგესი (63), 3:1 ფ. ტორესი (91)
ატლეტიკო (4-4-2): ობლაკი - გამესი, ხ. ხიმენესი, ს. ნიგესი, ლ. ერნანდესი - თომასი (59. ო. ტორესი), გაბი, კოკე, ფერეირა-კარასკო (76. ფ. ტორესი) - გრიზმანი, ა. კორეა (60. ვიეტო)
ეიბარი (4-1-4-1): რიესგო - კაპა, ლილიო, მ. დოს სანტოსი, ჟუნკა - დ. გარსია - კეკო (85. ს. ბერხონი), ესკალანტე (70. ინუი), ადრიანი (90. რადოშევიჩი), ხოტა - ენრიჩი
გაფრთხილება: თომასი, გრიზმანი - კეკო, ლილიო, ჟუნკა
კუთხური: 5-2; ჯარიმა: 15-18; თამაშგარე: 5-3; კარში დარტყმა: 13-6 (4-2); ბურთის ფლობა: 53%-47%.
მაყურებელი: 45 321
ვალეკანო-ლას პალმასი 2:0
გოლები: 1:0 მიკუ (3), 2:0 ბებე (73)
რაიო ვალეკანო (4-2-3-1): ხუან კარლოსი - ქუინი, ზე კაშტრო, დ. ლორენტე, ტიტო - ტრაშორასი, ბაენა (65. დორადო) - პ. ერნანდესი (62. პიტი), ხოსაბედი, ბებე - მიკუ (85. გერა)
ლას პალმასი (4-4-1-1): ვარასი - დ. სიმონი, აიტამი, ბიგასი, დ. კასტელიანო - მომო (72. ნ. ალემანი), როკე, ვალერონი (61. ვაკასო), ვიერა (82. არაუჟო) - ტანა - ვილიან ჟოზე
გაფრთხილება: ლორენტე, ბაენა, მიკუ - კასტელიანო
კუთხური: 5-5; ჯარიმა: 16-15; თამაშგარე: 3-4; კარში დარტყმა: 18-9 (8-4); ბურთის ფლობა: 51%-49%.
მაყურებელი: 11 565
ბილბაო-ვილიარეალი 0:0
ბილბაო (4-2-3-1): ირაისოსი - ლეკუე მარტინესი, ბოვედა, ლაპორტი, ბალენზიაგა - სან ხოსე (87. იტურასპე), ბენიატი - ვილიამსი, ერასო (71. მუნიაინი), სუსაეტა (63. საბინ მერინო) - ადურისი
ვილიარეალი (4-4-2): არეოლა - მარიო, მუსაჩო (72. ბონერა), რუისი, ხ. კოსტა - ჯონათან დოს სანტოსი (78. კასტილიეხო), ტრიგეროსი, ბრუნო სორიანო, დ. სუარესი - ბაკამბუ (46. ლ. ბაპტიშტაო), სოლდადო
გაფრთხილება: ვილიამსი, სან ხოსე, ლეკუე, მერინო, მუნიაინი - კოსტა, ბაკამბუ, სოლდადო, რუისი, ბონერა
გაძევება: ვილიამსი (90), ბონერა (94)
კუთხური: 5-3; ჯარიმა: 19-19; თამაშგარე: 3-2; კარში დარტყმა: 10-2 (1-2); ბურთის ფლობა: 61%-39%.
მაყურებელი: 40 941
სპორტინგი-დეპორტივო 1:1
გოლები: 1:0 ხონი (32), 1:1 ლუის ალბერტო (41)
სპორტინგი (4-2-3-1): კუელიარი - ვრანიეში, ლ. ერნანდესი, მერე, ი. ლოპესი - რაშიდი, ს. ალვარესი - კარმონა (66. ჰალილოვიჩი), დანი ნდი (79. რ. პერესი), ხონი - სანაბრია (84. გერერო)
დეპორტივო (4-2-3-1): ლუქსი - ხუანფრანი, არიბასი, სიდნეი, ფ. ნავარო - ბერგანტინიოსი, მოსკერა - ფახრი, ლუის ალბერტო (82. ფედე კარტაბია), კანი (70. ლუიზინიო) - ლ. პერესი
გაფრთხილება: ვრანიეში, ხონი - არიბასი, კარტაბია
კუთხური: 4-3; ჯარიმა: 10-13; თამაშგარე: 5-2; კარში დარტყმა: 11-5 (2-4); ბურთის ფლობა: 45%-55%.
მაყურებელი: 21 690
7 თებერვალი
ლევანტე-ბარსელონა 0:2
გოლები: 0:1 დ. ნავარო (21 ს. კ.), 0:2 ლ. სუარესი (92)
ლევანტე (4-3-3): მარინიო - ი. ლოპესი, დ. ნავარო (69. ღილასი), ფედალი, ტონიო - ვერსა (77. კუერო), სიმაო, ლერმა - დეივერსონი (69. კამარასა), ჯ. როსი, მორალესი
ბარსელონა (4-3-3): ბრავო - დ. ალვეში (74. ა. ვიდალი), პიკე, მასკერანო, ალბა - რაკიტიჩი (68. ბუსკეტსი), ს. რობერტო, ინიესტა - მესი, ლ. სუარესი, ნეიმარი
გაფრთხილება: ფედალი, ნავარო, ლერმა, ლოპესი - პიკე, ალვეში, ბუსკეტსი
კუთხური: 2-5; ჯარიმა: 15-10; თამაშგარე: 3-3; კარში დარტყმა: 11-11 (3-4); ბურთის ფლობა: 30%-70%.
მაყურებელი: 22 638
ბეტისი-ვალენსია 1:0
გოლი: 1:0 რ. კასტრო (49)
ბეტისი (4-4-2): ადანი - მონტოია, პეცელა, ბრუნო, ხ. ვარგასი - მუსონდა, პეტროში, ნ'დიაი, სებალიოსი (75. პორტილიო) - ვან ვოლფსვინკელი (73. მოლინა), რ. კასტრო (90. დიგარი)
ვალენსია (4-2-3-1): რაიანი - ბარაგანი, მუსტაფი, აბდენური, სიკეირა (44. გაია) - პარეხო, ზაჰიბო (76. მინა) - ფეგული (60. როდრიგო), ანდრე გომეში, ჩერიშევი - ნეგრედო
გაფრთხილება: პეცელა, სებალიოსი, ადანი, მონტოია - მუსტაფი, გომეში, ჩერიშევი, პარეხო, ზაჰიბო, გაია
გაძევება: გაია (85)
კუთხური: 4-5; ჯარიმა: 17-19; თამაშგარე: 2-6; კარში დარტყმა: 6-7 (2-2); ბურთის ფლობა: 44%-56%.
მაყურებელი: 40 228
სელტა-სევილია 1:1
გოლები: 0:1 კარიშო (42), 1:1 ბოვიუ (63)
სელტა (4-2-3-1): ს. ალვარესი - ხონი (62. გუიდეტი), კაბრალი, ს. გომესი, პლანასი - ვასი, რადოია (62. მ. დიასი) - ბოვიუ, პ. ერნანდესი, ბონგონდა - ასპასი
სევილია (4-2-3-1): ს. რიკო - მარიანო, რამი, ფასიო, ესკუდერო - ნ'ზონზი, კარიშო - რეიესი (64. ბანეგა), კრონ-დელი, კონოპლიანკა (58. ვიტოლო) - ფ. ლორენტე (69. გამეირო)
გაფრთხილება: გომესი, ბონგონდა, ასპასი - ფასიო, კონოპლიანკა, ესკუდერო, რიკო
გაძევება: ფასიო (25)
კუთხური: 10-5; ჯარიმა: 15-16; თამაშგარე: 1-0; კარში დარტყმა: 25-9 (5-2); ბურთის ფლობა: 74%-26%.
მაყურებელი: 16 420
გრანადა-რეალი 1:2
გოლები: 0:1 ბენზემა (30), 1:1 ელ-არაბი (60), 1:2 მოდრიჩი (85)
გრანადა (4-2-3-1): ა. ფერნანდესი - მ. ლოპეში, ლომბანი, რ. კოშტა, ფულკიე - რ. პერესი, ფ. რიკო (77. კრჰინი) - საქსესი, როჩინა, პენიარანდა (80. დუკური) - ბარალი (58. ელ-არაბი)
რეალი (4-3-3): კ. ნავასი - კარვახალი (86. ნაჩო), ვარანი, ს. რამოსი, მარსელო - მოდრიჩი, კროოსი, ისკო (78. კოვაჩიჩი) - ხ. როდრიგესი (61. ხესე), ბენზემა, რონალდო
გაფრთხილება: ლოპეში, პერესი, ელ-არაბი - რამოსი, კარვახალი
კუთხური: 3-6; ჯარიმა: 20-8; თამაშგარე: 3-2; კარში დარტყმა: 14-14 (2-4); ბურთის ფლობა: 37%-63%.
მაყურებელი: 17 052
8 თებერვალი
ესპანიოლი-სოსიედადი 23:30
ბომბარდირები: 20 - ლუის სუარესი (ბარსელონა); 19 - კრიშტიანო რონალდო (რეალი), ქარიმ ბენზემა (რეალი); 16 - ნეიმარი (ბარსელონა); 15 - ბორხა ბასტონი (ეიბარი); 14 - ლუკას პერესი (დეპორტივო); 13 - არიც ადურისი (ბილბაო), გარეთ ბეილი (რეალი); 12 - იმანოლ აგირეჩე (რეალ სოსიედადი), კევინ გამეირო (სევილია), ანტუან გრიზმანი (ატლეტიკო), ლიონელ მესი (ბარსელონა).
მომდევნო ტური
12 თებერვალი:
სპორტინგი-რაიო ვალეკანო
13 თებერვალი:
რეალი-ბილბაო, ვილიარეალი-მალაგა, ვალენსია-ესპანიოლი, დეპორტივო-ბეტისი
14 თებერვალი:
რეალ სოსიედადი-გრანადა, სევილია-ლას პალმასი, ეიბარი-ლევანტე, ხეტაფე-ატლეტიკო, ბარსელონა-სელტა.
ყოველდღიური სპორტული გაზეთი "ლელო"
