კატალონიის "ბარსელონას" მცველმა თომას ვერმაელენმა, შესაძლოა, სეზონის დასრულების შემდეგ გუნდი გამოიცვალოს.აღნიშნულ ინფორმაციას El Mundo Deportivo ავრცელებს.
წყაროს ინფორმაციით, არსებობს იმის შესაძლებლობა, რომ 30 წლის ბელგიელი ინგლისის პრემიერლიგაში დაბრუნდეს, სადაც ის ლონდონის "არსენალის" ღირსებას იცავდა. თუ რომელ კლუბში შეიძლება ფეხბურთელი გადავიდეს, უცნობია.
ლა ლიგის მიმდინარე სეზონში ჩატარებულ 8 შეხვედრაში ვერმაელენის ანგარიშზე 1 გოლია.
