კატალონიის "ბარსელონას" არგენტინელი ფორვარდი ლიონელ მესი კლუბში მინიმუმ 2021 წლამდე დარჩება.ამის შესახებ "ბარსელონას" სპორტულმა დირექტორმა რობერტ ფერნანდესმა ისაუბრა.
"დიახ, ეს მართალია, მესი კლუბში მინიმუმ 2021 წლამდე დარჩება. საუბარია ყველა დროის საუკეთესო ფეხბურთელზე. ბევრი ფიქრობს, რომ მესი მალე მოუკლებს თამაშს, მაგრამ ეს ასე არაა. მას ჯერ კიდევ არაერთი წარმატების მოტანა შეუძლია გუნდისთვის, ამიტომ კიდევ არაერთ სეზონს გაატარებს "ბარსაში", - განაცხადა ფერნანდესმა.
შეგახსენებთ, რომ 28 წლის არგენტინელის მიმდინარე კონტრაქტი კატალონიურ კლუბთან 2018 წლის ზაფხულამდეა გათვლილი.
