"ბარსელონას" ვიცე-პრეზიდენტმა ჟორდი მესტრემ განაცხადა, რომ ლუის ენრიკე უპრობლემოდ შეძლებს გუნდის დატოვებას, თუკი ესპანეთის ნაკრების გაწვრთნას მოინდომებს. თუმცა, კატალონიური კლუბის ხელმძღვანელობის წევრმა იმედი გამოთქვა, რომ ესპანელი სპეციალისტი კიდევ არაერთი წლის განმავლობაში იმუშავებს "ბარსელონაში".
"ლუის ენრიკეს წასვლა ესპანეთის ნაკრებში? აქ ყველაფერი პირად მოტივებზეა დამოკიდებული. თუკი ის სანაკრებო საქმიანობითაა დაინტერესებული, შეძლებს წასვლას. ჩვენ მას ვერ დავაბრკოლებთ. ენრიკეს შეუძლია გააკეთოს ის, რაც სურს.
მაგრამ ამავდროულად, იმედი მაქვს, ენრიკე კიდევ მრავალი წლის განმავლობაში იმუშავებს "ბარსელონაში", - აქვეყნებს მესტრეს ნათქვამს Mundo Deportivo.
