ლა ლიგა. XXXII ტური: "ბარსელონას" მადრიდელი მდევრები ეწევიან [VIDEO]

9 აპრილის ესპანეთის ლა ლიგის 32-ე ტურის 4 შეხვედრა გაიმართა.

"ბარსელონა" სტუმრად "რეალ სოსიედადთან" 0:1 დამარცხდა, ხოლო მისმა მდევრებმა იმარჯვეს და ლიდერს თითქმის წამოეწიენ. სან სებასტიანში ლუის ენრიკეს გუნდს გამარჯვების გოლი 18 წლის მიკელ ოიარზაბალმა გაუტანა.

ლუის ენრიკე (ბარსელონა): "ჩვენთვის თამაში ყველაზე ცუდი სცენარით დაიწყო. პირველ ტაიმში უბრალოდ ძალიან ცუდად ვითამაშეთ. ვმოქმედებდით გულით და არა თავით. თამაშის მიმდინარეობა უკეთ უნდა გვეკონტროლებინა. მეორე ტაიმს არა უშავდა და ალბათ, არც წაგებას ვიმსახურებდით. თუმცა, ჩვენ ისევ ვლიდერობთ ჩემპიონატში და კიდევ დაგვრჩა შანსი, დავამტკიცოთ რომ მსოფლიოში საუკეთესოები ვართ".

მადრიდის "რეალმა" პირველივე ტაიმში გაუტანა "ეიბარს" 4 გოლი - 4:0. თითო გოლი გაიტანეს ხამესმა, კრიშტიანო რონალდომ, ლუკას ვასკესმა და ხესემ.

ზინედინ ზიდანი (რეალი): "გუნდის თამაშით კმაყოფილი ვარ. ასეთი მატჩის მერე კი "ვოლფსბურგთან" შეხვედრას დიდი ენთუზიაზმით ველი. ჩვენ ძალიან გვინდა, რომ ფანები მოვიდნენ და გუნდს მხარი დაუჭირონ. ორგოლიანი დეფიციტი გვაქვს აღმოსაფხვრელი, მაგრამ "სანტიაგო ბერნაბეუს" ყველაფერი შეუძლია. დანილოს ტრიბუნებიდან უსტვენდნენ? ის პროფესიონალია და კარგად იცის, რომ ჩვენ ის ძალიან გვიყვარს".

მადრIდის "ატლეტიკო" ბარსელონაში "ესპანიოლთან" აგებდა, მაგრამ ფერნანდო ტორესმა, ანტუან გრიზმანმა და კოკემ მოაგებინეს - 3:1. ახლა "ატლეტიკო" მხოლოდ სამი ქულით ჩამორჩება "ბარსელონას". "რეალის" ჩამორჩენა ლიდერთან კი ოთხი ქულაა.

რეალი-ეიბარი 4:0
გოლები: 1:0 ხ. როდრიგესი (5), 2:0 ლ. ვასკესი (18), 3:0 რონალდო (20), 4:0 ხესე (39)

ესპანიოლი-ატლეტიკო 1:3
გოლები: 1:0 დიოპი (28), 1:1 ფ. ტორესი (35), 1:2 გრიზმანი (58), 1:3 კოკე (88)

სოსიედადი-ბარსელონა 1:0
გოლი: 1:0 ოიარზაბალი (5)

ბეტისი-ლევანტე 1:0
გოლი: 1:0 რ. კასტრო (81)

პარასკევი. 8 აპრილი
გრანადა-მალაგა 0:0

კვირა. 10 აპრილი
სპორტინგი-სელტა 14:00
ვალენსია-სევილია 18:00
ვილიარეალი-ხეტაფე 20:15
ბილბაო-ვალეკანო 22:30

ორშაბათი. 11 აპრილი
დეპორტივო-ლას პალმასი 22:30

1. ბარსელონა - 76 ქულა; 2. ატლეტიკო - 73; 3. რეალი - 72; 4. ვილიარეალი - 57; 5. სელტა - 49.