* "ბარსელონამ" ზედიზედ მესამე ტურში ვერ მოიგო (ვილიარეალი, რეალი, რეალ სოსიედადი). ლუის ენრიკეს ხელმძღვანელობით ეს გუნდს აქამდე არ მოსვლია.* ლიონელ მესის "ბარსელონაში" 362 წუთია, არ გაუტანია. ასეთი მშრალი სერია არგენტინელს 2011 წლის (417 წ.) მერე არ ჰქონია.
* 25 წლის ანტუან გრიზმანი "ატლეტიკოს" პირველი ფეხბურთელია 2009 წლის შემდეგ, რომელმაც ზედიზედ 7 ტურში გაიტანა. ბოლოს ეს დიეგო ფორლანმა შეძლო.
* მადრიდის "რეალმა" ლა ლიგაში ზედიზედ მეექვსე მატჩი მოიგო.
* კრიშტიანო რონალდო პირველი ფეხბურთელია, რომელმაც ტოპ-5 ლიგაში ზედიზედ ექვსი სეზონის განმავლობაში
* "ვალენსიამ" 4-ტურიანი წაგებების სერია "სევილიას" დამარცხებით დაასრულა.
"ანოეტაზე" პრიმერას თითქმის დაკარგული ინტრიგა საბოლოოდ დაუბრუნდა - ლა ლიგის დასრულებამდე 6 ტურით ადრე "ბარსელონა" მხოლოდ სამი ქულით უსწრებს "ატლეტიკოს" და ოთხით "რეალს". ვერ ვიტყვით, რომ საჩემპიონო რბოლა თავიდან იწყება, მაგრამ ლუის ენრიკეს გუნდის თავზე რომ შავმა ღრუბლებმა მოიყარეს თავი, ცხადზე უცხადესია.
იმედგაცრუების დერბი
რა მოსაწყენად დაიწყო ტური - არადა, "გრანადას" და "მალაგას" ანდალუსიური დერბი უნდა ეთამაშათ, მასპინძლებს კი ქულები ჰაერივით სჭირდებათ. გუნდებს ენთუზიაზმი ზუსტად სამი წუთი გაჰყვათ, თამაშის თითქმის ყველა სახიფათო მომენტი ამ სამ წუთში შეიქმნა, შემდეგ კი მოედანზე არაფერი ხდებოდა - 0:0. ასეთი თამაშით "გრანადას" ლა ლიგაში არაფერი ესაქმება, "მალაგას" კი სატურნირო მდგომარეობა არ აწუხებს და თავი არ მოუკლავს. ერთი ეგაა, "გრანადა" უკვე 4 ტურია, დაუმარცხებელია, ხოლო "მალაგა" - 5. ხოსე გონსალესის "გრანადამ" ზედიზედ მეოთხე მატჩი ითამაშა ფრედ.
რელაქსაცია "მგლებამდე"
ენერგიაგამოცლილი "ეიბარი" რომ ვერ გამოდგებოდა სავოლფსბურგო რეპეტიციად, პირველ რიგში, ზინედინ ზიდანმა იცოდა, ბასკებთან ექსპერიმენტული შემადგენლობა გამოიყვანა და უკვე პირველ ტაიმში გაუტანა ოთხი გოლი. მეხუთე წუთზე ხამეს როდრიგესმა დიდებული საჯარიმო დარტყმით გახსნა ანგარიში. მატჩის მთავარი გმირი კი კრიშტიანო რონალდო იყო, რომელმაც ერთი გაიტანა და ორი თანაგუნდელებს გაატანინა - 4:0. "მარკამ" 7-7 ბალით ნაჩო, ხამესი, რონალდო, ხესე და ლუკას ვასკესი გამოარჩია.
ზინედინ ზიდანი (რეალი): "გუნდის თამაშით კმაყოფილი ვარ, ასეთი მატჩის მერე კი "ვოლფსბურგთან" შეხვედრას დიდი ენთუზიაზმით ველი. ჩვენ ძალიან გვინდა, რომ ფანები მოვიდნენ და გუნდს მხარი დაუჭირონ. ორგოლიანი დეფიციტი გვაქვს აღმოსაფხვრელი, მაგრამ "სანტიაგო ბერნაბეუს" ყველაფერი შეუძლია. დანილოს ტრიბუნებიდან უსტვენდნენ? ის პროფესიონალია და კარგად იცის, რომ ჩვენ ის ძალიან გვიყვარს".
იხილეთ ვიდეო
ძველი ელ ნინიოს დაბრუნება
ძველი ფერნანდო ტორესი დაბრუნდა! ისევ ისე შემართული და მეტოქის კარზე დაგეშილი და რაოდენ სამწუხაროა "ატლეტიკოსთვის", რომ ის "ბარსელონასთან" საპასუხო მატჩს დისკვალიფიკაციის გამო გამოტოვებს. დიეგო სიმეონეს გუნდმა ბარსელონაში თამაში "ელ ნინიოს" და კოკეს წყალობით შემოაბრუნა. ბუნებრივია, აქ ანტუან გრიზმანიც უნდა ვახსენოთ. "ესპანიოლი" პაპე დიოპის თავურით კი დაწინაურდა, მაგრამ შემდეგ ტორესმა და გრიზმანმა გაიტანეს, ბოლოს კი "ელ ნინიომ" კოკეს გაატანინა - 1:3. კოკემ "ატლეტიკოს" სამივე გოლში მიიღო მონაწილეობა. "მარკამ" 8-8 ბალით ტორესი და კოკე გამოარჩია.
იხილეთ ვიდეო
დაცემა სან სებასტიანში
ალვარო არბელოამ ირონიულად იხუმრა, როგორ უჭირს "ბარსას", როცა მეტოქეს კაცს არ უგდებენო. ალბათ, "რეალის" მცველის ეს მინიშნება ახლა არაფერ შუაშია, უბრალოდ, ბოლო წლებია, "რეალ სოსიედადი" "ბარსელონასთვის" ძალზე უხერხულ მეტოქედ ჩამოყალიბდა "ანოეტაზე". "რეალ სოსიედადმა" რომ 1:0 იმარჯვა, ეს განსაკუთრებით ორი ფეხბურთელის დამსახურებაა - 23 წლის არგენტინელმა მეკარემ, ხერონიმო რულიმ რამდენჯერმე აშკარა გოლისგან იხსნა "ჩურიურდინი", ხოლო მე-5 წუთზე კაპიტან ჩაბი პრიეტოს ჩაწოდებას თავით 18 წლის მიკელ ოიარზაბალი გამოეხმაურა და გამარჯვების გოლი გაიტანა. "სოსიედადის" მეკარე "მარკამ" 9 ბალით გამოარჩია.
ლუის ენრიკე (ბარსელონა): "ჩვენთვის თამაში ყველაზე ცუდი სცენარით დაიწყო. პირველ ტაიმში, უბრალოდ, ძალიან ცუდად ვითამაშეთ. ვმოქმედებდით გულით და არა თავით. თამაშის მიმდინარეობა უკეთ უნდა გვეკონტროლებინა. მეორე ტაიმს არა უშავდა და ალბათ, არც წაგებას ვიმსახურებდით. თუმცა ჩვენ ისევ ვლიდერობთ ჩემპიონატში და კიდევ დაგვრჩა შანსი, დავამტკიცოთ, რომ მსოფლიოში საუკეთესოები ვართ".
იხილეთ ვიდეო
რომ არა კასტრო
შაბათის ბოლო მატჩში ვეტერანმა რუბენ კასტრომ შეხვედრის ბოლოს "ბეტისს" "ლევანტეზე" 1:0 მოაგებინა და ამით ერთმა გუნდმა თითქმის, გაინაღდა ლა ლიგაში დარჩენა, მეორე კი თითქმის, გაიწირა. რომ არა რუბენ კასტრო, არც ეს სამი ქულა იქნებოდა (რადგან თამაშით აუტსაიდერს ვერ სჯობდა) და "ბეტისიც" ალბათ, "ლევანტეს" მეზობელი იქნებოდა სატურნირო ცხრილში - კასტრომ "ბეტისის" 29 გოლიდან 17 გაიტანა. კვირის მატჩები
ხიხონში ნოლიტომ შესანიშნავი გოლით ვიგოს "სელტას" 1:0 მოაგებინა. მანამდე "სპორტინგის" ფეხბურთელები გალისიელთა კარში სამართლიანად ითხოვდნენ პენალტს. "ვალენსიამ" "სევილიას" 2:1 მოუგო. გამარჯვების გოლი ბოლო წუთზე ალვარო ნეგრედომ გაიტანა, "სევილიას" ექსფეხბურთელმა. სავარაუდოდ, "ღამურებს" გავარდნის საფრთხე აღარ უნდა დაემუქროს. სხვები იბრძვიან, "ვილიარეალი" კი მშვიდად მიდის მიზნისკენ - "წყალქვეშა ნავმა" "ელ მადრიგალზე" მორიგი სამი ქულა ჩაიწერა "ხეტაფეს" დამარცხებით და მყარად არის ჩემპიონთა ლიგის საგზურის მომტან მე-4 ადგილზე.
XXXII ტური
8 აპრილი
გრანადა-მალაგა 0:0
გრანადა (4-2-3-1): ა. ფერნანდესი - მ. ლოპეში, ბაბენი, რ. კოშტა, ბირაგი - რ. პერესი, დუკურე - კუენკა (66. ბარალი), როჩინა (79. იბანიესი), საქსესი - ელ-არაბი
მალაგა (4-4-2): ოჩოა - როსალესი, ალბენტოსა, ველიგტონი, რიკა (56. მ. ტორესი) - ხუანპი (82. ფორნალსი), რესიო, ნაჩო კამაჩო, გ. კასტრო - სანტა კრუსი, ჩოპი (68. ატსუ)
გაფრთხილება: საქსესი - ალბენტოსა, რიკა, როსალესი
კუთხური: 5-5; ჯარიმა: 14-10; თამაშგარე: 4-2; კარში დარტყმა: 9-9 (1-2); ბურთის ფლობა: 49%-51%.
მაყურებელი: 18 979
9 აპრილი
რეალი-ეიბარი 4:0
გოლები: 1:0 ხ. როდრიგესი (5), 2:0 ლ. ვასკესი (18), 3:0 რონალდო (20), 4:0 ხესე (39)
რეალი (4-3-3): კასილია - კარვახალი (63. დანილო), პეპე, ნაჩო, არბელოა - ისკო, კაზემირო (54. კოვაჩიჩი), ხ. როდრიგესი - ლ. ვასკესი, ხესე (76. მაიორალი), რონალდო
ეიბარი (4-2-3-1): რიესგო - კაპა, პანტიჩი, რამისი, ლუნა - ესკალანტე, დ. გარსია - კეკო (72. ჰაიროვიჩი), ადრიანი (46. ბასტონი), ხოტა (46. ჟუნკა) - ენრიჩი
გაფრთხილება: დანილო - გარსია, ესკალანტე, რამისი
კუთხური: 6-7; ჯარიმა: 9-13; თამაშგარე: 3-3; კარში დარტყმა: 13-9 (6-2); ბურთის ფლობა: 62%-38%.
მაყურებელი: 70 689
ესპანიოლი-ატლეტიკო 1:3
გოლები: 1:0 დიოპი (28), 1:1 ფ. ტორესი (35), 1:2 გრიზმანი (58), 1:3 კოკე (88)
ესპანიოლი (5-3-2): პაუ ლოპესი - ხ. ლოპესი (74. სილა), ა. გონსალესი, როკო, ო. დუარტე, რ. დუარტე (64. კაისედო) - ვ. სანჩესი (83. ბურგუი), დიოპი, აბრაამი - ასენსიო, მორენო
ატლეტიკო (4-3-3): ობლაკი - ხუანფრანი, გოდინი, ლ. ერნანდესი, ფილიპე ლუიში - გაბი, ა. ფერნანდესი (86. ს. ნიგესი), კოკე - გრიზმანი (61. თომასი), ფ. ტორესი, ფერეირა-კარასკო (61. ა. კორეა)
გაფრთხილება: სანჩესი, დიოპი - ლუიში, კორეა
კუთხური: 3-5; ჯარიმა: 13-14; თამაშგარე: 1-0; კარში დარტყმა: 10-14 (3-5); ბურთის ფლობა: 53%-47%.
მაყურებელი: 26 338
სოსიედადი-ბარსელონა 1:0
გოლი: 1:0 ოიარზაბალი (5)
რეალ სოსიედადი (4-3-3): რული - ა. ელუსტონდო (76. ზალდუა), მ. გონსალესი, დ. რეიესი, დე ლა ბელია - ილიარამენდი, გრანერო, ზურუტუზა (80. პარდო) - ჩაბი პრიეტო, ველა, ოიარზაბალი (88. ლიტრი)
ბარსელონა (4-3-3): ბრავო - დ. ალვეში, პიკე, მასკერანო, ს. რობერტო (70. რაკიტიჩი) - არდა თურანი (59. ალბა), ბუსკეტსი, რაფინია (46. ინიესტა) - მესი, ელ ჰადადი, ნეიმარი
გაფრთხილება: ილიარამენდი - თურანი, მასკერანო, პიკე
კუთხური: 5-9; ჯარიმა: 14-13; თამაშგარე: 5-4; კარში დარტყმა: 5-13 (1-6); ბურთის ფლობა: 27%-73%.
მაყურებელი: 27 895
ბეტისი-ლევანტე 1:0
გოლი: 1:0 რ. კასტრო (81)
ბეტისი (4-4-2): ადანი - მოლინერო (69. სეხუდო), პეცელა, ბრუნო, მონტოია - ხოაკინი (79. პორტილიო), სებალიოსი, ნ'დიაი, მუსონდა - რ. კასტრო, მოლინა (58. ვან ვოლფსვინკელი)
ლევანტე (4-4-2): მარინიო - პ. ლოპესი, დ. ნავარო, მედჯანი, ხუანფრანი - ლერმა (78. მორალესი), სიმაო (85. დეივერსონი), კამარასა (76. ხოსე მარი), ვერდუ - ვ. კასადესუსი, ჯ. როსი
გაფრთხილება: ნ'დიაი, მუსონდა, ბრუნო, სეხუდო - ლოპესი, ხუანფრანი, მარი
კუთხური: 4-3; ჯარიმა: 13-18; თამაშგარე: 2-2; კარში დარტყმა: 7-12 (2-3); ბურთის ფლობა: 52%-48%.
მაყურებელი: 37 091
10 აპრილი
სპორტინგი-სელტა 0:1
გოლი: 0:1 ნოლიტო (64)
სპორტინგი ხ. (4-2-3-1): კუელიარი - ვრანიეში, ლ. ერნანდესი, მერე, ი. ლოპესი - ს. ალვარესი, ნ. კასესი - კარმონა (60. კ. კასტრო), პ. პერესი (69. ჰალილოვიჩი), ხონი (77. დანი ნდი) - სანაბრია
სელტა (4-3-3): რ. ბლანკო - ხონი, კაბრალი, ს. გომესი, პლანასი - ვასი, რადოია, ორელიანა (91. მალიო) - ასპასი (63. პ. ერნანდესი), გუიდეტი (83. ბოვიუ), ნოლიტო
გაფრთხილება: ვრანიეში, კასესი - ხონი, ორელიანა, ვასი, გუიდეტი, ბლანკო
კუთხური: 7-7; ჯარიმა: 8-11; თამაშგარე: 0-1; კარში დარტყმა: 9-17 (2-5); ბურთის ფლობა: 41%-59%.
მაყურებელი: 24 163
ვალენსია-სევილია 2:1
გოლები: 1:0 პარეხო (41), 1:1 გამეირო (86), 2:1 ნეგრედო (91)
ვალენსია (4-3-3): დ. ალვეში - ბარაგანი, მუსტაფი, აბდენური, სიკეირა - პარეხო, ფუეგო, ანდრე გომეში - მინა (77. ფეგული), პ. ალკასერი (86. ნეგრედო), როდრიგო (65. ე. პერესი)
სევილია (4-2-3-1): ს. რიკო - კოკე, რამი, ფასიო, ესკუდერო - კრიხოვიაკი, კრისტოფორო (60. გამეირო) - ხ. მუნიოსი (46. ვიტოლო), ბანეგა, კრონ-დელი - ფ. ლორენტე (70. კონოპლიანკა)
გაფრთხილება: მუსტაფი, პერესი - ლორენტე, რამი
კუთხური: 10-3; ჯარიმა: 15-18; თამაშგარე: 1-3; კარში დარტყმა: 23-7 (9-4); ბურთის ფლობა: 50%-50%.
მაყურებელი: 41 569
ვილიარეალი-ხეტაფე 2:0
გოლები: 1:0 დ. სუარესი (15), 2:0 ბაკამბუ (85)
ვილიარეალი (4-4-2): ასენხო - მარიო გასპარი, ბაილი, რუისი, რუკავინა - კასტილიეხო (84. ტრიგეროსი), პინა, ბრუნო სორიანო, დ. სუარესი (78. ჯონათან დოს სანტოსი) - ლეო ბაპტიშტაო, ა. ლოპესი (74. ა. ლოპესი)
ხეტაფე (4-2-3-1): გუაიტა - დ. სუარესი, ხ. როდრიგესი, კალა, ა. პერეირა - მედრანი (83. ვანდერსონი), ლასენი - პედრო ლეონი (78. ვ. როდრიგესი), სარაბია, ე. ბუენდია (73. ა. ვასკესი) - გოიტომი
გაფრთხილება: რუკავინა, ბრუნო - კალა, მედრანი
კუთხური: 8-5; ჯარიმა: 9-12; თამაშგარე: 0-0; კარში დარტყმა: 13-17 (3-3); ბურთის ფლობა: 53%-47%.
მაყურებელი: 17 570
ბილბაო-ვალეკანო 1:0
გოლი: 1:0 ვილიამსი (61)
ბილბაო (4-2-3-1): ირაისოსი - დე მარკოსი, ბოვედა, ეჩეიტა, ლეკუე - მ. რიკო (53. ბენიატი), იტურასპე - სუსაეტა (52. ადურისი), რაულ გარსია, მუნიაინი - ვილიამსი (64. სან ხოსე)
რაიო ვალეკანო (4-4-2): ხუან კარლოსი - ქუინი, ზე კაშტრო, კრესპო, ნაჩო (64. ემბარბა) - პ. ერნანდესი, ტრაშორასი, ბაენა, ბებე - მიკუ (80. მანუჩო), გერა
გაფრთხილება: გარსია - ნაჩო, ბაენა, ზე კაშტრო
კუთხური: 0-5; ჯარიმა: 7-14; თამაშგარე: 2-7; კარში დარტყმა: 14-11 (7-4); ბურთის ფლობა: 44%-56%.
მაყურებელი: 37 597
11 აპრილი
დეპორტივო-ლას პალმასი 22:30
ბომბარდირები: 30 - კრიშტიანო რონალდო (რეალი); 26 - ლუის სუარესი (ბარსელონა); 22 - ლიონელ მესი (ბარსელონა); 21 - ქარიმ ბენზემა (რეალი), ნეიმარი (ბარსელონა); 20 - ანტუან გრიზმანი (ატლეტიკო); 17 - არიც ადურისი (ბილბაო), ბორხა ბასტონი (ეიბარი), რუბენ კასტრო (ბეტისი).
მომდევნო ტური
15 აპრილი:
ლევანტე-ესპანიოლი
16 აპრილი:
ხეტაფე-რეალი, ლას პალმასი-სპორტინგი, ეიბარი-რეალ სოსიედადი, სელტა-ბეტისი
17 აპრილი:
მალაგა-ბილბაო, სევილია-დეპორტივო, რაიო ვალეკანო-ვილიარეალი, ატლეტიკო-გრანადა, ბარსელონა-ვალენსია.
ყოველდღიური სპორტული გაზეთი "ლელო"
