33 წლის თავდამსხმელი კლაუდიო პისარო საცხოვრებლად მიუნხენში ჯერ არ გადასულა - მისი თეთრი "ბენტლი" ჯერ კიდევ ბრემენში, პერუელი გოლეადორის სახლის წინ აყენია. თუმცა ტრანსფერი ორი თვის წინ გადაწყდა და ცნობილია, რომ პისარო კარიერას "ბაიერნში" გააგრძელებს, "ვერდერმა" კი იმავე "ბაიერნისგან" მისი შემცვლელი ინათხოვრა.
3 ივლისს რეკორდმაისტერის სათადარიგო თავდამსხმელმა ნილს პეტერსენმა ბრემენულ კლუბთან ერთწლიანი საარენდო ხელშეკრულება გააფორმა, რისთვისაც "ვერდერი" "ბაიერნს" ნახევარ მილიონ ევროს გადაუხდის.
ფაქტია, რომ პისარო "მუსიკოსებში" სწორედ პეტერსენმა უნდა შეცვალოს და გუშინ გაირკვა ისიც, რომ ნილსი "ვერდერში" სწორედ კლაუდიოს 24-ნომრიანი
"მინდა, რომ სეზონის ყველა შეხვედრაში ვიასპარეზო და დარწმუნებული ვარ, რომ მწვრთნელი თომას შააფი მომენდობა. ძალიან მინდა, რომ "ვერდერში" ბევრი გოლი გავიტანო, - უთხრა ბრემენში ჩასულმა პეტერსენმა ჩვენს გერმანელ კოლეგებს და იქვე დასძინა, - პისარო ბრწყინვალე თავდამსხმელია, მაგრამ მასთან შედარება არ მსიამოვნებს.
რაც შეეხება ნომერს: 24 შემთხვევით ავიღე! დავინახე, რომ თავისუფალი იყო და ავიღე! ნამდვილად არ გამხსენებია, რომ ამ ნომრით პისარო თამაშობდა".
აღსანიშნავია, რომ "ვერდერს" პეტერსენის შესყიდვის უპირატესი უფლების მიღება სურდა, მაგრამ "ბაიერნმა" ხელშეკრულებაში ასეთი პუნქტის ჩადება იუარა.
ყოველდღიური სპორტული გაზეთი "ლელო"
