ბუნდესლიგური კლუბებიდან ახალი სეზონისთვის მზადება ყველაზე გვიან გელზენკირხენის "შალკემ" დაიწყო.მთავარ მწვრთნელ ჰუუბ სტევენსს პირველ ვარჯიშზე ევროპის ჩემპიონატის სამი მონაწილე დააკლდა: კლაას-იან ჰუნტელაარი (ჰოლანდია), ბენედიქტ ჰიოვედესი (გერმანია) და კირიაკოს პაპადოპულოსი (საბერძნეთი) ჯერ კიდევ შვებულებაში არიან.
სტევენსმა შაბათს ჯამში 27 ფეხბურთელს მოუყარა თავი და მათ შორის აღარ იყო ჩვენებური ლევან ყენია, რომელიც, როგორც იცით, კარიერას სანკტ-პეტერბურგის "ზენიტში" გააგრძელებს.
ზემოთ ხსენებული ტრიოს გარდა, არ უვარჯიშიათ ჯერმეინ ჯონსსა და ჩინედუ ობასი ოგბუკეს. პირველი "შალკეს" აშშ-ის ნაკრების გამო დააკლდა, ნიგერიელი გარემარბი კი ტრავმირებულია.
ობასი
ყოველდღიური სპორტული გაზეთი "ლელო"
