გუშინდელ ნომერში ვწერდით, რომ "ვოლფსბურგისა" და გერმანიის ახალგაზრდული ნაკრების წარმოშობით ქართველმა ნახევარმცველმა აკაკი გოგიამ "აუგსბურგი" დატოვა, სადაც ერთი წლით იყო განათხოვრებული და ისიც გაუწყეთ, რომ 20 წლის ქართველს "ზანკტ პაულიში" ეპატიჟებოდნენ. 11 ივლისს საბოლოოდ გაირკვა და დადასტურდა, რომ გოგია მომავალ სეზონს სწორედ მეორე ბუნდესლიგის წარმომადგენელში, ასევე იჯარის წესით გაატარებს.
"აკაკის სახით კიდევ ერთი ახალგაზრდა და ნიჭიერი ფეხბურთელი გადმოვიბირეთ. გოგია ძალიან კარგი შემტევი ნახევარმცველია, რომელსაც ორივე ფლანგზე შეუძლია თამაში," - განაცხადა "ზანკტ პაულის" მთავარმა მწვრთნელმა ანდრე შუბერტმა.
"ჰერ შუბერტმა პირველივე საუბრისას
ვფიქრობ, რომ ეს ჩემთვის წინ გადადგმული ნაბიჯია. ყველაფერს გავაკეთებ იმისათვის, რომ როგორც მწვრთნელისა და ხელმძღვანელობის, ასევე "პაულის" შესანიშნავი გულშემატკივრების იმედები გავამართლო," - ეს თავად 20 წლის აკაკის სიტყვებია.
გასული სეზონის მეორე ნახევარი გოგიამ ლაზარეთში გაატარა, ახლა კი სრულად გამოჯანმრთელებულია. მან "ზტ. პაულის" ფორმა უკვე მოირგო - "აინდლინგთან" ტესტ-მატჩში (6:0) ითამაშა და გოლიც გაიტანა.
ყოველდღიური სპორტული გაზეთი "ლელო"
