ფეხბურთელების შემდეგ, გერმანიის 2012 წლის საუკეთესო ფეხბურთელად ჟურნალისტებმაც გერმანიის ნაკრებისა და დორტმუნდის "ბორუსიას" 23 წლის შემტევი ნახევარმცველი მარკო როისი დაასახელეს, რომელმაც გასული სეზონი "გლადბახში" ბრწყინვალედ ჩაატარა. "კიკერის" ტრადიციულ გამოკითხვაში ჩვენმა გერმანელმა კოლეგებმა წლის საუკეთესო მწვრთნელად შარშანდელივით იურგენ კლოპი დაასახელეს, საუკეთესო ქალ ფეხბურთელად კი - ოკოინო და მბაბი.
"კიკერი" ამ გამოკითხვას ჟურნალისტებს შორის 1960 წლიდან ატარებს და მასში მონაწილეობას გერმანიის სპორტული ჟურნალისტების გაერთიანების წევრები იღებენ.
აღსანიშნავია, რომ "გლადბახის" ფეხბურთელმა "კიკერის" წლის საუკეთ
"ძალიან ამაყი ვარ, რადგან ვიცი, რომ ეს წოდება ისტორიას სამუდამოდ დარჩება, - უთხრა როისმა "კიკერს", - ეს ჩემთვის დამატებითი მოტივაციაცაა და იმას ნიშნავს, რომ ორმაგად უნდა მოვინდომო, რადგან ჩემზე უკვე დიდი ავანსები გაიცა.
ჩემს წარმატებაში უდიდესი წვლილი მიუძღვის ლუსიენ ფავრს, რომელიც საუკეთესო მწვრთნელია მათ შორის, ვისთანაც მიმუშავია.
არ ვივიწყებ მიხაელ ფრონტცეკის ამაგსაც, რომელიც ყველასათვის უცნობ და გამოუცდელ ბიჭს "გლადბახში" მენდო. ახლა დორტმუნდის "ბორუსიას" ფეხბურთელი ვარ და ჩემს კარიერაში ახალი ეტაპი იწყება!"
შეგახსენებთ, რომ გასული სეზონის დასრულების შემდეგ როისის გადაბირება მიუნხენის "ბაიერნს", მადრიდის "რეალს", მილანის "ინტერს" და "მანჩესტერ სიტისაც" სურდათ, მაგრამ მარკომ არჩევანი ყოფილ და მშობლიურ კლუბ "დორტმუნდზე" შეაჩერა.
კლოპმა ფავრი დაჯაბნა
რაც შეეხება წლის საუკეთესო მწვრთნელს: "დორტმუნდის" თავკაცმა კლოპმა ეს წოდება კვლავ დიდი უპირატესობით მოიპოვა. იურგენმა ჟურნალისტებისგან 496 ხმა მიიღო - მაშინ, როცა მეორე ადგილზე გასულ ლუსიენ ფავრს (გლადბახი) მხოლოდ 138-მა ჟურნალისტმა მიანიჭა უპირატესობა.
მესამე ადგილზე "ფრაიბურგის" თავკაცი კრისტიან შტრაიხი გავიდა, რომელმაც ბრაისგაუელებს გასული სეზონის მეორე ნახევარში წარმოუდგენელი პროგრესი განაცდევინა და მეორე ბუნდესლიგაში დაქვეითებისგან იხსნა.
"ამ ტიტულის ზედიზედ მეორედ მოგება უდიდესი პატივი და შრომის დაფასებაა. სცენაზე მხოლოდ მე ვჩანვარ, არადა, მთელი სამწვრთნელო შტაბი მაგრად მუშაობს და ჩვენი წარმატებები ჩემი თანაშტაბელების დამსახურებაცაა. გამოკითხვის შედეგები ცხადყოფს, რომ ჩვენ კარგად ვმუშაობთ," - ეს კლოპის სიტყვებია.
ისტორია
"კიკერის" წლის ფეხბურთელები 1960-2012
წელი ფეხბურთელი გუნდი
2012 მარკო როისი ბორუსია (მ)
2011 მანუელ ნოიერი შალკე
2010 არიენ რობენი ბაიერნი
2009 გრაფიტე ვოლფსბურგი
2008 ფრანკ რიბერი ბაიერნი
2007 მარიო გომესი შტუტგარტი
2006 მიროსლავ კლოზე ვერდერი
2005 მიხაელ ბალაკი ბაიერნი
2004 აილტონი ვერდერი
2003 მიხაელ ბალაკი ბაიერნი
2002 მიხაელ ბალაკი ლევერკუზენი
2001 ოლივერ კანი ბაიერნი
2000 ოლივერ კანი ბაიერნი
1999 ლოთარ მათეუსი ბაიერნი
1998 ოლივერ ბირჰოფი უდინეზე
1997 იურგენ კოლერი ბორუსია (დ)
1996 მათიას ზამერი ბორუსია (დ)
1995 მათიას ზამერი ბორუსია (დ)
1994 იურგენ კლინსმანი ტოტენჰემი
1993 ანდრეას კიოპკე ნიურნბერგი
1992 თომას ჰესლერი რომა
1991 შტეფან კუნტცი კაიზერსლაუტერნი
1990 ლოთარ მათეუსი ინტერი
1989 თომას ჰესლერი კიოლნი
1988 იურგენ კლინსმანი შტუტგარტი
1987 უვე რანი ბორუსია (მ)
1986 ჰარალდ შუმახერი კიოლნი
1985 ჰანს-პეტერ ბრიგელი ვერონა
1984 ჰარალდ შუმახერი კიოლნი
1983 რუდი ფიოლერი ვერდერი
1982 კარლჰაინც ფიორსტერი შტუტგარტი
1981 პაულ ბრაიტნერი ბაიერნი
1980 კარლ-ჰაინც რუმენიგე ბაიერნი
1979 ბერტი ფოგთსი ბორუსია (მ)
1978 ზეპ მაიერი ბაიერნი
1977 ზეპ მაიერი ბაიერნი
1976 ფრანც ბეკენბაუერი ბაიერნი
1975 ზეპ მაიერი ბაიერნი
1974 ფრანც ბეკენბაუერი ბაიერნი
1973 გიუნტერ ნეტცერი ბორუსია (მ)
1972 გიუნტერ ნეტცერი ბორუსია (მ)
1971 ბერტი ფოგთსი ბორუსია (მ)
1970 უვე ზეელერი ჰამბურგი
1969 გერდ მიულერი ბაიერნი
1968 ფრანც ბეკენბაუერი ბაიერნი
1967 გერდ მიულერი ბაიერნი
1966 ფრანც ბეკენბაუერი ბაიერნი
1965 ჰანს ტილკოვსკი ბორუსია (დ)
1964 უვე ზეელერი ჰამბურგი
1963 ჰანს შეფერი კიოლნი
1962 კარლ-ჰაინც შნელინგერი კიოლნი
1961 მაქს მორლოკი ნიურნბერგი
1960 უვე ზეელერი ჰამბურგი
ყოველდღიური სპორტული გაზეთი "ლელო"
