"ვოლფსბურგი" კვირას "ჰანოვერთან" შერცხვა - "მგლები" "წითლებთან" 0:4 განადგურდნენ. "ვოლფების" თავკაცმა ფელიქს მაგათმა ეს მარცხი კარგად გააანალიზა და 4 სექტემბერს პრესკონფერენცია გამართა.
"დესპოტმა ფელიქსმა" დაასკვნა, რომ "ჰანოვერთან" მატჩში ბევრი რამ არ იყო წესრიგში, განსაკუთრებით კი, თავის ბრაზილიელ ფეხბურთელებს უსაყვედურა.
"ვიდეოანალიზმა ერთ ძალიან საინტერესო დასკვნამდე მიმიყვანა: ჩვენი ბრაზილიელი ფეხბურთელები პასს უმეტესად ერთმანეთს აძლევენ.
შეიძლება სხვა მოთამაშე გაცილებით უკეთეს პოზიციაზე იყოს, მაგრამ ბრაზილიელები ბურთს ასეთ დროსაც თანამემამულეს აძლევენ," - აღნიშნა მაგათმა.
"ჰანოვერთან" ვოლფსბურგის ძირითად შემადგენლობაში ფაგნერმა, ნალდომ, დიეგომ და ჟოსუემ - ოთხმა
მაგათი აღიარებს, რომ უშუალოდ თამაშის დროს ეს ტენდენცია ვერ შენიშნა და მხოლოდ ვიდეო-ანალიზის საშუალებით შეიტყო, რომ ბრაზილიელები ბურთს ერთმანეთში ზედმეტად ხშირად ათამაშებენ.
ყოველდღიური სპორტული გაზეთი "ლელო"
