სანაკრებო ბატალიები ჩავლილია, საკლუბო ფეხბურთი ბრუნდება: ბუნდესლიგის მესამე ტურის პირველი მატჩი 14 სექტემბერს აუგსბურგში გაიმართება, სადაც "ვოლფსბურგი" ჩადის. აუგსბურგელებს ორივე მატჩი წაგებული აქვთ და ფაქტია, რომ ფელიქს მაგათის ამბიციური გუნდის წინააღმდეგ უდიდესი მონდომებით ითამაშებენ, თუმცა კონცენტრაცია და მოტივაცია არც "ვოლფსბურგს" აკლია, რადგან "მგლებმა" პირველ ტურში მოპოვებული მნიშვნელოვანი გამარჯვების (1:0 შტუტგარტში) შემდეგ თავი შეირცხვინეს - საკუთარ "ფოლკსვაგენარენაზე" "ჰანოვერთან" 0:4 განადგურდნენ.
"აუგსბურგს" რამდენიმე წამყვანი ფეხბურთელი დააკლდება. მეკარე იენტცში ტრავმირებულია და მას ამსიფი შეცვლის. სასტარტო შემადგენლობის ფეხბურთელთაგან დაშავებულია ახალწვეული მუსონაც. სამაგიეროდ, მარკუს ვაინცირლის
ვოლფსბურგელებს პილარი და ჰელმესი ჰყავთ დაშავებული, ახალგაზრდა ფეხბურთელი კნოხე კი დისკვალიფიცირებულია, თუმცა ვერ ვიტყვით, რომ ეს მაგათისთვის სერიოზული დანაკლისია, რადგან "დესპოტ ფელიქსს" ისედაც უდიდესი არჩევანი აქვს.
ვოლფსბურგელთა დაცვის ბურჯი ნალდო თანაგუნდელებს აფრთხილებს: "აუგსბურგი" წნეხის ქვეშაა მოქცეული, ასეთ დროს კი ყველა გუნდი სახიფათოა.
ჩვენ, რა თქმა უნდა, ფავორიტები ვართ, მაგრამ უდიდესი სიფრთხილე გვმართებს და მაქსიმალურად კონცენტრირებულები უნდა ვიყოთ. თუ აუგსბურგიდან სამი ქულის წაღება გვინდა, დაცვაში ყურადღებით ყოფნა და სწრაფი შეტევები გვჭირდება."
აქვე ვთქვათ, რომ გასულ სეზონში "ვოლფსბურგმა" "აუგსბურგთან" ორივე თამაში წააგო - შინ 1:2, სტუმრად 0:2.
14 სექტემბერი
აუგსბურგი-ვოლფსბურგი 22:30
დისკვალიფიკაცია: კნოხე (ვოლფსბურგი)
ტრავმა: იენტცში, ფილპი, ბა, კალსენ-ბრაკერი, კოო, მუსონა, მიოლდერსი - პილარი, ჰელმესი
სატურნირო ცხრილი
| ა | გუნდი | თ | მ | ფ | წ | ბ | ქ |
| 1. | ბაიერნი | 2 | 2 | 0 | 0 | 9-1 | 6 |
| 2. | აინტრახტი | 2 | 2 | 0 | 0 | 6-1 | 6 |
| 3. | ჰანოვერი | 2 | 1 | 1 | 0 | 6-2 | 4 |
| 4. | შალკე | 2 | 1 | 1 | 0 | 5-3 | 4 |
| 5. | ფორტუნა | 2 | 1 | 1 | 0 | 2-0 | 4 |
| 6. | ბორუსია (დ) | 2 | 1 | 1 | 0 | 3-2 | 4 |
| 7. | ბორუსია (მ) | 2 | 1 | 1 | 0 | 2-1 | 4 |
| 8. | ნიურნბერგი | 2 | 1 | 1 | 0 | 2-1 | 4 |
| 9. | ვერდერი | 2 | 1 | 0 | 1 | 3-2 | 3 |
| 10. | ლევერკუზენი | 2 | 1 | 0 | 1 | 3-2 | 3 |
| 11. | ფიურტი | 2 | 1 | 0 | 1 | 1-3 | 3 |
| 12. | ვოლფსბურგი | 2 | 1 | 0 | 1 | 1-4 | 3 |
| 13. | მაინცი | 2 | 0 | 1 | 1 | 1-2 | 1 |
| 14. | ფრაიბურგი | 2 | 0 | 1 | 1 | 1-3 | 1 |
| 15. | ჰამბურგი | 2 | 0 | 0 | 2 | 0-3 | 0 |
| 16. | აუგსბურგი | 2 | 0 | 0 | 2 | 1-5 | 0 |
| 17. | ჰოფენჰაიმი | 2 | 0 | 0 | 2 | 1-6 | 0 |
| 18. | შტუტგარტი | 2 | 0 | 0 | 2 | 1-7 | 0 |
ბომბარდირები:
3 - თ. მიულერი (ბაიერნი); 2 - ჰუნტელაარი (შალკე), ლანიგი (აინტრახტი), მანჯუკიჩი (ბაიერნი), ა. მაიერი (აინტრახტი), შაჰინი (ფორტუნა), სობიეხი (ჰანოვერი).
ყოველდღიური სპორტული გაზეთი "ლელო"
