9 ნოემბერს გერმანიის ნაკრების მთავარმა მწვრთნელმა იოახიმ ლიოვმა ის შემადგენლობა დაასახელა, რომლითაც ბუნდესგუნდი ოთხშაბათს ამსტერდამში ჰოლანდიის ნაკრებს უაღრესად მნიშვნელოვან ამხანაგურ მატჩში დაუპირისპირდება. იოგიმ საფეხბურთო გერმანიას ორი სიურპრიზი შესთავაზა: ორწლიანი პაუზის შემდეგ გერმანიის ნაკრებში რენე ადლერი ბრუნდება, "შალკეს" საყრდენი ნახევარმცველი რომან ნოიშტედტერი კი დებიუტანტია.
"ადლერი ბოლო დროს ძალიან კარგად თამაშობს და ნაკრებში გამოძახება დაიმსახურა. იმედია ასე გააგრძელებს, რადგან კარგ ფორმაში მყოფი რენე ბუნდესგუნდს ძალიან სჭირდება. რაც შეეხება ნოიშტედტერს: ეს ბიჭი წინა სეზონშიც ძალიან მომწონდა, "გლადბახიდან" "შალკეში" გადასვლის შემდეგ კი უფრო უკეთესად
აღსანიშნავია, რომ გერმანიის ნაკრების 22-კაციან განაცხადში ისევ ერთადერთი ცენტრფორვარდია - მიროსლავ კლოზე. მიუხედავად გერმანელი ექსპერტების ხშირი მოწოდებებისა, იოგიმ კვლავ არ უხმო "ლევერკუზენის" თავდამსხმელ შტეფან კისლინგს, რომელიც 2012 კალენდარულ წელს ყველაზე შედეგიანი გერმანელი თავდამსხმელია (19 გოლი 27 მატჩში). აქვე შეგახსენებთ, რომ სამი ხედირა (რეალი) და ჰოლგერ ბადშტუბერი (ბაიერნი) ტრავმირებულები არიან.
მეკარეები: მანუელ ნოიერი (ბაიერნი), რენე ადლერი (ჰამბურგი)
მცველები: ჟერომ ბოატენგი, ფილიპ ლამი (ორივე ბაიერნი), მატს ჰუმელსი, მარსელ შმელცერი (ორივე ბორუსია /დ/), ბენედიქტ ჰიოვედესი (შალკე), პერ მერტეზაკერი (არსენალი), ჰაიკო ვესტერმანი (ჰამბურგი).
ნახევარმცველები: ლარს ბენდერი (ლევერკუზენი), მარიო გიოტცე, ილქაი გიუნდოგანი, მარკო როისი (ყველა ბორუსია /დ/), იულიან დრაქსლერი, რომან ნოიშტედტერი (ორივე შალკე), მესუთ იოზილი (რეალი), ტონი კროოსი, თომას მიულერი, ბასტიან შვაინშტაიგერი (ყველა ბაიერნი), ლუკას პოდოლსკი (არსენალი), ანდრე შიურლე (ლევერკუზენი).
თავდამსხმელი: მიროსლავ კლოზე (ლაციო)
ყოველდღიური სპორტული გაზეთი "ლელო"
