ის-ის იყო, მიუნხენში ბჭობა დაიწყეს, 40 მილიონი ევრო რაში გადავიხადეთო, რომ "ბილბაოდან" სარეკორდო ფასად ნაყიდმა ესპანელმა ნახევარმცველმა ხავი მარტინესმა თითით საჩვენებელი გოლი გაიტანა... "ბაიერნმა" "ჰანოვერი" გაანადგურა და ლიდერობა განიმტკიცა, მეორე ადგილზე კი უკვე დორტმუნდის "ბორუსიაა".
და რა კარგია, რომ რეკორდმაისტერისა და "დორტმუნდის" ჯახი (მე-15 ტურშია) გვიახლოვდება...
ბაიერნის მორიგი გალა-კონცერტი
"ვალენსიასთან" 1:1-ის შემდეგ "ბაიერნის" ვიცე-პრეზიდენტმა კარლ-ჰაინც რუმენიგემ მიუნხენური გრანდი გააკრიტიკა - ბოლო დროს მოსაწყენ ფეხბურთს თამაშობენო და რეკორდმაისტერის ფეხბურთელებმა თავიანთ ბოსს 24 ნოემბერს მორიგი გალა-კონცერტით უპასუხეს: "ბაიერნმა" "ჰანოვერი" 5:0 გაანადგურა.
ფეხბურთელებმა
შაბათს მიუნხენში ყველაფერი გენიალურად იყო. გარდა დიდი ანგარიშით გამარჯვებისა და ლიდერობის განმტკიცებისა, რეკორდმაისტერის ფანებისთვის განსაკუთრებით სასიამოვნო იყო ისიც, რომ ზაფხულში 40 მილიონ ევროდ შეძენილმა ხავი მარტინესმა "ბაიერნის" ფორმით პირველი გოლი გაიტანა - გოლი და თან რა გოლი: "მაკრატელა"!
"გემრიელი ვახშმის" არანაკლები "დესერტი" კი მარიო გომესის გოლი გახლდათ, რომელმაც 112-დღიანი იძულებითი პაუზის შემდეგ ოფიციალურ მატჩში პირველად იასპარეზა, შეცვლაზე შევიდა და მეხუთე გოლი სწორედ მის ანგარიშზეა.
"ეს გოლი ძალიან მჭირდებოდა და ამიტომაც ვიზეიმე ასე ემოციურად. მადლობა ჩვენს ექიმებს და ფიზიოთერაპევტებს, რომლებმაც ყველაფერი გააკეთეს საიმისოდ, რომ მალე გამოვჯანმრთელებულიყავი", - ეს გომესის სიტყვებია.
ჰაინკესის ბიჭებს მეტის გატანაც შეეძლოთ, მაგრამ "წითლების" მეკარე რონ-რობერტ ცილერი თამაშობდა კარგად - მიულერს, რიბერისა და გომესს "მკვდარი ბურთები" აუღო.
აქვე ვთქვათ, რომ ხავი მარტინესის დარად, "ბაიერნის" ფორმით ასევე პირველი გოლი გაიტანა დანტემაც. საუკეთესო კი ტონი კროოსი გახლდათ, რომელმაც ხუთიდან ოთხ გოლში უშუალო მონაწილეობა მიიღო.
13 ტურის შემდეგ 34 ქულა და ბურთების შეფარდება +33 ბუნდესლიგის რეკორდია.
დორტმუნდი უკვე მეორეა
ჩემპიონმა და თასის მფლობელმა თავისი მწვრთნელის ყოფილ გუნდთან თამაში მთქნარებით დაიწყო და დაისაჯა კიდეც: "მაინცი" მარკო კალიჯურიმ მალევე დააწინაურა, მაგრამ დორტმუნდელები სწრაფადვე მოეგნენ გონს და რობერტ ლევანდოვსკიმ თამაში პირველივე ტაიმში შეატრიალა.
პოლონელმა გოლეადორმა ჯერ მარკო როისის ჩაწოდებას შეუშვირა ფეხი და ბურთი "მაინცის" კარში აღმოჩნდა (თავიდან ეს გოლი როისს ჩაუთვალეს, მაგრამ მერე დამტკიცდა, რომ ლევანდოვსკის ეკუთვნოდა), მერე კი, 43-ე წუთზე კრისტიან ვეტკლოს ბურთი თავზე მოხდენილად გადაუგდო. ლევანდოვსკიმ მეოთხე დუბლი შეასრულა.
"ჩემი გუნდის თამაშით აღფრთოვანებული ვარ. თავიდან ცოტა დაბნეულები იყვნენ, მაგრამ მერე ყველაფერი დალაგდა და ისე ვითამაშეთ, როგორც საჭირო იყო." - თქვა "ბორუსიას" თავკაცმა იურგენ კლოპმა მატჩის შემდეგ.
"შალკემ" ჩემპიონთა ლიგის მერვედფინალში ასპარეზობა ნაადრევად გაინაღდა, ბუნდესლიგაში კი უჭირს: გელზენკირხენელები ამ ტურამდე მეორე ადგილზე იყვნენ, მაგრამ სენსაციურ "აინტრახტს" ბევრი ვერაფერი დააკლეს, მხოლოდ ფრე (1:1) გაახერხეს და მეორე ადგილი მოსისხლე მტერ "დორტმუნდს" დაუთმეს.
"აინტრახტი" ტურიდან ტურამდე ამტკიცებს, რომ იმაზე გაცილებით ძლიერი გუნდა, ვიდრე სეზონის წინ ამის წარმოდგენა შეიძლებოდა.
"შალკე" კლაას-იან ჰუნტელაარმა დააწინაურა, მაგრამ ზუსტად ორ წუთში ფრანკფურტელებმა წონასწორობა აღადგინეს: ოჩიპკას ჩაწოდებულს აიგნერმა თავი დროულად დაუხვედრა. ეს პირველ 13 წუთში მოხდა, რის შემდეგაც ორივე გუნდი ბევრს ეცადა, მაგრამ გოლი აღარ გასულა.
მატჩის მიწურულს "აინტრახტს" მატმური გაუძევეს, მაგრამ "შალკემ" ვერც რიცხვობრივი უპირატესობა გამოიყენა. პირიქით, ამ მატჩის მოგება ფრანკფურტელებს უფრო შეეძლოთ...
ალოფსი და შააფი: მეგობრობამ გაიმარჯვა
კლაუს ალოფსის ყოფილი და ახალი გუნდების დუელი "ვოლფსბურგში" ფრედ (1:1) დასრულდა, რითაც ბუნდესლიგის ერთ-ერთი ყველაზე გავლენიანი ფუნქციონერი კმაყოფილი უნდა იყოს.
ვოლფსბურგელებს ზედიზედ ორი მატჩი ჰქონდათ მოგებული, "ვერდერთან" კი აგებდნენ და ქულა მეორე ტაიმში გადაარჩინეს. ეს მას მერე მოხდა, რაც "ვერდერს" ლუკას შმიტცი გაუძევეს.
ანგარიში "მგლების" გოლეადორმა ბას დოსტმა გაათანაბრა. შაბათსვე, ფრანკენის დერბი "ფიურტსა" და "ნიურნბერგს" შორის ერთობ მოსაწყენი სანახაობა გამოდგა და 0:0 დასრულდა.
25 ნოემბერს "ფრაიბურგმა" ბევრისთვის მოულოდნელად "შტუტგარტი" 3:0 გაანადგურა და მეექვსე ადგილზე აძვრა, "ლევერკუზენმა" "ჰოფენჰაიმს" სტუმრად 2:1 მოუგო და მოწინავე ოთხეულს მიუახლოვდა, ხოლო აუტსაიდერი "აუგსბურგი" და "გლადბახი" ფრეზე (1:1) გაიყარნენ.
გერმანია. ბუნდესლიგა. XIII ტური
ფორტუნა-ჰამბურგი 2:0
გოლები: 1:0 კრუსი (45+2), 2:0 რაიზინგერი (63)
ფორტუნა (4-2-3-1): გიფერი - ლეველსი, ლანგენეკე (41. ბალოგუნი), ხუანანი, ვან დერ ბერგი - ბოძეკი, ლამბერტცი - გარბუშევსკი (58. რაიზინგერი), კრუსი (84. ილსიო), ბელინგჰაუზენი - რაფაელი.
ჰამბურგი (4-2-3-1): ადლერი - დიკმაიერი, მანსიენი, ვესტერმანი, აოგო - ბადელი (74. რუდნევსი), არსლანი (85. ტეშე) - სონი, ვან დერ ვაარტი (32. რინკონი), ბაისტერი - ბერგი.
გაფრთხილება: რაფაელი, ლამბერტცი - მანსიენი, ბაისტერი, არსლანი
კუთხური: 3-8; ჯარიმა: 18-13; თამაშგარე: 5-2; კარში დარტყმა: 11(3)-13(4); ბურთის ფლობა: 35%-65%.
მაყურებელი: 54 000
ბაიერნი-ჰანოვერი 5:0
გოლები: 1:0 ხავი მარტინესი (4), 2:0 კროოსი (24), რიბერი (37), 4:0 დანტე (63), 5:0 გომესი (67)
ბაიერნი (4-2-3-1): ნოიერი - ლამი, დანტე, ბადშტუბერი, ალაბა - ხავი მარტინესი, შვაინშტაიგერი (70. ტიმოშჩუკი) - თ. მიულერი (75. შაჩირი), კროოსი, რიბერი - მანჯუკიჩი (66. გომესი).
ჰანოვერი (4-2-2-2): ცილერი - ჩერუნდოლო, ეგიმანი, ჰაგი, რაუში - შმიდებახი (41. კ. შულცი), და სილვა პინტუ - შტინდლი, ჰუშტი - მ. დიუფი (79. ნიკჩი), ზობიხი (46. აბდელაუ).
გაფრთხილება: მანჯუკიჩი, შვაინშტაიგერი - ზობიხი, შტინდლი, კ. შულცი
კუთხური: 5-2; ჯარიმა: 14-16; თამაშგარე: 2-1; კარში დარტყმა: 19(14)-8(5); ბურთის ფლობა: 61%-39%.
მაყურებელი: 71 000
Video
ბაიერნი - ჰანოვერი 5:0
ბაიერნი - ჰანოვერი 5:0
შალკე-აინტრახტი 1:1
გოლები: 1:0 ჰუნტელაარი (11), 1:1 აიგნერი (13)
შალკე (4-2-3-1): უნერშტალი - უჩიდა, ჰიოვედესი, მატიპი, ფუხსი - ჯონსი, ნოიშტედტერი - ფარფანი, ჰოლტბი (72. პუკი), დრაქსლერი - ჰუნტელაარი.
აინტრახტი (4-2-3-1): ტრაპი - ს. იუნგი, სამბრანო, ანდერსონი (61. ჩელოცი), ოჩიპკა - შვეგლერი, როდე - აიგნერი (64. ოუშენი), ა. მაიერი, ინუი (84. კიოლერი) - მატმური.
გაძევება: მატმური (87. აინტრახტი)
გაფრთხილება: ჯონსი - როდე
კუთხური: 9-1; ჯარიმა: 12-13; თამაშგარე: 5-5; კარში დარტყმა: 18(4)-11(2); ბურთის ფლობა: 49%-51%.
მაყურებელი: 61 673
ვოლფსბურგი-ვერდერი 1:1
გოლები: 0:1 არნაუტოვიჩი (35), 1:1 დოსტი (64)
ვოლფსბურგი (4-2-3-1): ბენალიო - ფაგნერი, ნალდო, კიაერი, მ. შეფერი - პოლაკი, ჟოსუე - ჰასებე (59. ვიეირინია), დიეგო, ოლიჩი - დოსტი.
ვერდერი (4-1-4-1): მილიტცი - გებრე სელასიე, პრიოდლი, სოკრატისი, შმიტცი - იუნუზოვიჩი - არნაუტოვიჩი (82. ფრიტცი), დე ბრუინი, ჰანტი, ელია (64. იგნიოვსკი) - პეტერსენი (90. აკპალა).
გაძევება: შმიტცი (62. ვერდერი)
გაფრთხილება: ოლიჩი, ჟოსუე - არნაუტოვიჩი, დე ბრუინი
კუთხური: 5-7; ჯარიმა: 17-16; თამაშგარე: 2-0; კარში დარტყმა: 14(5)-12(2); ბურთის ფლობა: 56%-44%.
მაყურებელი: 29 723
მაინცი-ბორუსია (დ) 1:2
გოლები: 1:0 მ. კალიჯური (4), 1:1 ლევანდოვსკი (12), 1:2 ლევანდოვსკი (43)
მაინცი (4-2-3-1): ვეტკლო - პოსპეხი, სვენსონი, ნოვესკი, ზაბავნიკი - ბაუმგარტლინგერი, სოტო - ნ. მიულერი (85. კლასნიჩი), ივანშიტცი (63. რუკავიცა), მ. კალიჯური (46. რისსე) - სალაი.
ბორუსია /დ/ (4-2-3-1): ვაიდენფელერი - პიშჩეკი, სუბოტიჩი, ჰუმელსი, შმელცერი - გიუნდოგანი (34. ლაიტნერი), ს. ბენდერი - ბლაშჩიკოვსკი (73. გროსკროიტცი), მ. გიოტცე (83. პერიშიჩი), როისი - ლევანდოვსკი.
გაფრთხილება: სალაი, ზაბავნიკი, ნ. მიულერი, სვენსონი
კუთხური: 4-2; ჯარიმა: 19-8; თამაშგარე: 1-2; კარში დარტყმა: 10(3)-12(5); ბურთის ფლობა: 45%-55%.
მაყურებელი: 34 000
ფიურტი-ნიურნბერგი 0:0
ფიურტი (4-2-3-1): გრიუნი - ნერიგი, კლაინე, მავრაი, შმიდტგალი - ფიურშტნერი, პეკოვიჩი (46. ედუ) - სარარერი, პრიბი, შტიბერი - ასამოა (66. კლაუსი).
ნიურნბერგი (4-1-4-1): რ. შეფერი - ჩენდლერი, ნილსონი, კლოზე, პინოლა - სიმონსი (75. კოენი) - კიოტაკე (46. პლატენჰარდტი), ფოილნერი, ფრანტცი, ესვაინი (39. ბალიჩი) - პოლტერი.
გაძევება: ფოილნერი (35. ნიურნბერგი), სარარერი (61. ფიურტი)
გაფრთხილება: ნერიგი, შმიდტგალი - პინოლა, ფრანტცი
კუთხური: 6-1; ჯარიმა: 23-20; თამაშგარე: 4-0; კარში დარტყმა: 5(1)-3(0); ბურთის ფლობა: 55%-45%.
მაყურებელი: 18 000
ფრაიბურგი-შტუტგარტი 3:0
გოლები: 1:0 როზენტალი (22), 2:0 კრმასი (67), 3:0 მ. კრუსე (73)
ფრაიბურგი (4-2-2-2): ბაუმანი - მუიჯა, კრმასი, დიანიე (81. ფლუმი), ზორგი - მაკიადი (84. გუედე), შუსტერი - შმიდი, დ. კალიჯური - როზენტალი (88. სანტინი), მ. კრუსე.
შტუტგარტი (4-1-2-2-1): ულრაიხი - გ. საკაი, ტასკი, მასა, მოლინარო - კვისტი - გენტნერი (83. ჰაინალი), კუჟმანოვიჩი (62. ტრაორე) - ჰარნიკი (78. ჰოლცჰოიზერი), ოკაზაკი - იბიშევიჩი.
გაფრთხილება: გუედე, მუიჯა - ოკაზაკი, მასა, მოლინარო
კუთხური: 10-3; ჯარიმა: 12-19; თამაშგარე: 0-3; კარში დარტყმა: 26(11)-10(2); ბურთის ფლობა: 48%-52%.
მაყურებელი: 24 000
ჰოფენჰაიმი-ლევერკუზენი 1:2
გოლები: 0:1 ლ. ბენდერი (15), 0:2 კარვახალი (38), 1:2 ჯონსონი (59)
ჰოფენჰაიმი (4-2-3-1): კასტეელსი - ბეკი, დელპიერი, კომპერი, ჯონსონი (83. უსამი) - რუდი, სალიჰოვიჩი - რობერტო ფირმინიო, ვოლანდი, გრიფო (46. შიპლოკი) - ხოსელუ (46. დერდიოკი).
ლევერკუზენი (4-1-2-2-1): ლენო - კარვახალი, ვოლშაიდი, ტოპრაკი, ჰოსოგაი - რაინარტცი - ლ. ბენდერი, როლფესი - კასტრო (68. ჰეგელერი), შიურლე (81. კორი) - კისლინგი (92. მ. ფრიდრიხი).
გაფრთხილება: დელპიერი - ტოპრაკი, რაინარტცი
კუთხური: 4-1; ჯარიმა: 12-18; თამაშგარე: 3-2; კარში დარტყმა: 24(5)-8(4); ბურთის ფლობა: 58%-42%.
მაყურებელი: 22 100
აუგსბურგი-ბორუსია (მ) 1:1
გოლები: 1:0 მიოლდერსი (5), 1:1 ჰერმანი (85)
აუგსბურგი (4-2-3-1): ამსიფი - ფოგტი, სანკო, კლავანი, ოსტრცოლეკი - კალსენ-ბრაკერი, ბაიერი - კოო, იორლი (90. ბონსე), დე იონგი (85. მუსონა) - მიოლდერსი (60. ს. ჰაინი).
ბორუსია /მ/ (4-2-2-2): ტერ შტეგენი - იანჩკე, შტრანცი, ალვარო დომინგესი, ვენდტი - ნორდტვეიტი, მარქსი (69. ჯაკა) - რუპი (56. მლაპა), არანგო - დე კამარგო (69. ჰანკე), ჰერმანი.
გაფრთხილება: კოო - შტრანცლი, იანჩკე
კუთხური: 3-1; ჯარიმა: 19-10; თამაშგარე: 1-3; კარში დარტყმა: 13(1)-9(3); ბურთის ფლობა: 36%-64%.
მაყურებელი: 30 045
სატურნირო ცხრილი
| ა | გუნდი |
თ | მ | ფ | წ | ბ | ქ |
| 1 | ბაიერნი | 13 | 11 | 1 | 1 | 38-5 | 34 |
| 2 | ბორუსია (დ) | 13 | 7 | 4 | 2 | 28-14 | 25 |
| 3 | შალკე | 13 | 7 | 3 | 3 | 23-15 | 24 |
| 4 | აინტრახტი | 13 | 7 | 3 | 3 | 26-19 | 24 |
| 5 | ლევერკუზენი | 13 | 7 | 3 | 3 | 23-18 | 24 |
| 6 | ფრაიბურგი | 13 | 5 | 4 | 4 | 19-14 | 19 |
| 7 | ვერდერი | 13 | 5 | 3 | 5 | 21-19 | 18 |
| 8 | ჰანოვერი | 13 | 5 | 2 | 6 | 25-25 | 17 |
| 9 | მაინცი | 13 | 5 | 2 | 6 | 16-16 | 17 |
| 10 | ჰამბურგი | 13 | 5 | 2 | 6 | 12-16 | 17 |
| 11 | ბორუსია (მ) | 13 | 4 | 5 | 4 | 19-24 | 17 |
| 12 | შტუტგარტი | 13 | 4 | 4 | 5 | 14-23 | 16 |
| 13 | ვოლფსბურგი | 13 | 4 | 3 | 6 | 13-20 | 15 |
| 14 | ფორტუნა | 13 | 3 | 5 | 5 | 13-18 | 14 |
| 15 | ნიურნბერგი | 13 | 3 | 4 | 6 | 10-18 | 13 |
| 16 | ჰოფენჰაიმი | 13 | 3 | 3 | 7 | 19-28 | 12 |
| 17 | ფიურტი | 13 | 1 | 5 | 7 | 10-23 | 8 |
| 18 | აუგსბურგი | 13 | 1 | 4 | 8 | 9-23 | 7 |
ბომბარდირები:
9 - მანჯუკიჩი (ბაიერნი), ა. მაიერი (აინტრახტი); 8 - კისლინგი (ლევერკუზენი), სალაი (მაინცი); 7 - ლევანდოვსკი (ბორუსია /დ/), თ. მიულერი (ბაიერნი).
მომდევნო ტური
27 ნოემბერი
ბორუსია (დ)-ფორტუნა, ჰანოვერი-ფიურტი, ჰამბურგი-შალკე, აინტრახტი-მაინცი.
28 ნოემბერი
ბორუსია (მ)-ვოლფსბურგი, შტუტგარტი-აუგსბურგი, ვერდერი-ლევერკუზენი, ფრაიბურგი-ბაიერნი, ნიურნბერგი-ჰოფენჰაიმი.
ყოველდღიური სპორტული გაზეთი "ლელო"
