ბოლოს ყველაფერი გაცილებით მარტივად მოგვარდა, ვიდრე ამას "შალკეს" მრავალგზის ნანერვიულები ფანები წარმოიდგენდნენ - გელზენკირხენელებმა ჩემპიონთა ლიგის მეოთხე საგზურისთვის ბრძოლაში ფინალად შერაცხილი მატჩი "ჰამბურგთან" 4:1 მოიგეს და საუკეთესო ოთხეულში მყარად დამკვიდრდნენ, რაც, პირველ რიგში, კლაას-იან ჰუნტელაარის დამსახურებაა. ჰოლანდიელი გოლეადორი ამ სეზონში ტრავმებმა გატანჯეს და ვერ ბრწყინავდა, ბოლოს კი ისევ ტრავმირებული გახლდათ.
ჰუნტელაარმა ვარჯიში სამშაბათს განაახლა, კვირას კი მოედანზე გავიდა და "ჰამბურგთან" ჰეთ თრიკი შეასრულა! სამ გოლთან ერთად, მის ანგარიშზე ერთი საგოლე პასიცაა - შესაბამისად, ჰუნტელაარი ტურის გმირადაც დავასახელეთ.
"ახლა ვარჯიშებზე ცოტათი
ამ მატჩის შემდეგ "შალკე" მეოთხე ადგილის დაკავების ნომერ პირველი ფავორიტი გახდა. გელზენკირხენელთა უახლოესი მდევარი ახლა ფრანკფურტის "აინტრახტია", რომელსაც სამი ქულით უსწრებენ.
"ეს ბევრს არაფერს ნიშნავს, რადგან წინ კიდევ სამი მატჩი გველის და უმაღლესი კონცენტრაცია გვჭირდება", - აცხადებს "შალკეს" დროებითი თავკაცი იენს კელერი და ცამდე მართალია, რადგან ამ სამიდან "ხუმარებს" ორი მატჩი მიონხენგლადბახში და "ფრაიბურგთან" ელით...
XXVIII ტურის გმირი
კლაას-იან ჰუნტელაარი (შალკე)
ჰუნტელაარზე ზემოთ ბევრი ვისაუბრეთ და აქ მხოლოდ იმასღა დავძენთ, რომ ჰოლანდიელმა "ჰამბურგთან" ამ სეზონში თავისი მე-8, მე-9 და მე-10 გოლები გაიტანა.
შეგახსენებთ, რომ 29 წლის ჰუნტელაარი შარშან ბუნდესლიგის საუკეთესო ბომბარდირი გახდა - წინა სეზონში მან 29 გოლის გატანა მოახერხა.
ყოველდღიური სპორტული გაზეთი "ლელო"
ასევე იხილეთ:
ბუნდესლიგა. XXXI ტური: "ბაიერნის" სერია გრძელდება [VIDEO]
