კრიშტიანო რონალდოს შეცვლას "მანჩესტერ იუნაიტედში" რამდენიმე ვარსკვლავი ეცადა, მაგრამ უშედეგოდ. ბოლო იყო მემფის დეპაი. ჰოლანდიელმა ადგილი ვერ დაიმკვიდრა "წითელ ეშმაკებში" და "ლიონში" წავიდა. დღევანდელი ჩვენი წერილი სწორედ ამ ფეხბურთელებს ეხებათ.ლუიშ ნანი, 147 მატჩი, 27 გოლი
ნანი "იუნაიტედში" რონალდოს მისვლიდან ოთხი წლის შემდეგ მივიდა. ტექნიკური, სწრაფი, დაყენებული დარტყმით - "სპორტინგის" აღზრდილს ყველაფერი ჰქონდა საიმისოდ, რომ კრიშტიანოს გზა გაემეორებინა.
ყველაფერი, პროგრესისა და ზრდის სურვილის გარდა. ნანიმ გაამართლა გულშემატკივრების იმედები, მაგრამ მხოლოდ ორი სეზონის განმავლობაში. "რეალში" კრიშტიანოს წასვლის შემდეგ ნანი "იუნაიტედის" ძირითადი
ის დაეხმარა გუნდს ჩემპიონთა ლიგის ფინალში გასვლაში. ამის შემდეგ დაიწყო ჩავარდნა. ნანი უფრო და უფრო იშვიათად ჩნდებოდა ხოლმე მინდორზე. მალე "იუნაიტედში" ახალი გმირები გამოჩდნენ. ნანი ჯერ "სპორტინგში" გაანათხოვრეს, მერე კი "ფენერბაჰჩეში" გაყიდეს.
ანტონიო ვალენსია, 194 მატჩი, 13 გოლი
ვალენსია გუნდში მაშინ მოვიდა, როცა ის მისმა მთავარმა ვარსკვლავმა დატოვა. კრიშტიანი "რეალში" წავიდა და "იუნაიტედს" ახალი ლიდერი სჭირდებოდა. არჩევანი გაკეთდა ანტონიო ვალენსიაზე, ვინც "უიგანში" შესანიშნავი სეზონი ჩაატარა. პირველივე ვარჯიშზე ეკვადორელმა განსაკუთრებული შთაბეჭდილება დატოვა. ის ბევრს დარბოდა, შესანიშნავად აწვდიდა.
ეგაა, მისი ამპლუის მოთამაშისათვის ძალიან ცოტა გაჰქონდა. 2012/13 წლების სეზონის წინ მან შვიდნომრიანი მაისურა მიიღო. ის ტვირთს ვერ გაუმკლავდა და ერთი წლის შემდეგ ტრადიციული 25 ნომერი დაიბრუნა. ახალი რონალდო ვალენსიასგან არ გამოვიდა, თუმცა ის დღესაც გუნდშია და მარჯვენა ფლანგზე მცველად თამაშობს.
ბებე, 2 მატჩი, 0 გოლი
ბებეს ისტორიას თავისუფლად შეიძლება, ზღაპარი დავარქვათ. უბრალო ბიჭი პორტუგალიიდან, რომელსაც სახლიც კი არ ჰქონდა. მან უმწეოთა შორის მსოფლიოს ჩემპიონატზე გაიბრწყინა. უცბად ის მსოფლიოს ერთ-ერთი საუკეთესო გუნდის შემადგენლობაში აღმოჩნდა. საბოლოოდ, ზღაპარი ბოლომდე არ მივიდა. "მანჩესტერში" ბებე ვერ დამკვიდრდა და "ბენფიკაში" გაიყიდა, სადაც ასევე ვერ მოახერხა შესაძლებლობების წარმოჩენა.
ეშლი იანგი, 112 მატჩი, 11 გოლი
2010/11 წლების სეზონი "ასტონ ვილამ" აშკარად ჩააგდო. გუნდის უფერული თამაშის ფონზე აშკარად გამოირჩეოდა ეშლი იანგი. მას ორივე ფლანგზე შეეძლო თამაში და, ამასთან ერთად, სასწაულად დარბოდა. სეზონი მორჩა და17 მილიონ ფუნტად ეშლი "მანჩესტერში" მივიდა. სერ ალექსი ვალენსიას აღზრდით დაიღალა და იანგს ენდო. მან მხოლოდ გარკვეული ხნის განმავლობაში გაამართლა იმედი, ახლა კი გუნდის შემადგენლობაში საერთოდ ვეღარ ხვდება. წესით, მან ახლო მომავალში უნდა დატოვოს გუნდი.
ვილფრიდ ზაჰა, 2 მატჩი, 0 გოლი
მიმდინარე სეზონში ზაჰა "კრისტალ პალასის" ერთ-ერთი გამორჩეული ფეხბურთელია. მისი თამაში გამოგონებებით სავსე და მაღალტექნიკურია. 2013 წელს 21 წლის ტანანტისათვის "იუნაიტრედი" სერიოზულად დაიხარჯა. ის მაშინ "კრისტალ პალასის" შემადგენლობაში ბრწყინავდა. ზაჰა დაიკარგა დიდ ვარსკვლავებში. საბოლოოდ, ის ყოფილ კლუბს დაუბრუნდა.
ადნან იანუზაი, 49 მატჩი, 5 გოლი
ჩვენს გმირებს შორის რონალდოს ყველაზე მეტად მას ადარებდნენ. იანუზაიმ ჯერ კიდევ "იუნაიტედის" ახალგაზრდულ გუნდში მოახდინა დიდი შთაბეჭდილება, როცა პოლ პოგბასთან ერთად საშინელ დღეში აგდებდა მოწინააღმდეგის მცველებს. გუნდისათვის რთულ დროს დევიდ მოიესმა მას დიდი ნდობა გამოუცხადა.
ძირითად გუნდში დაწინაურებულმა იანუზაიმ მალე დაიწყო იმედების გამართლება. ის ამწვავებდა, ატყუებდა, გაჰქონდა... სიტუაცია შეიცვალა გუნდში ვან გაალის მისვლის შემდეგ. ბელგიელი უფრო და უფრო იშვიათად ჩნდებოდა მინდორზე. ის ჯერ "დორტმუნდში" გაანათხოვრეს, მერე კი "სანდერლენდში გაყიდეს. ადნანმა თავი ვერსად წარმოაჩინა.
ანხელ დი მარია, 27 მატჩი, 3 გოლი
"იუნაიტრედმა" დი მარიაში 70 მილიონი მილიონი ევრო გადაიხადა და ეს იყო ბრიტანული სატრანსფერო რეკორდი. დი მარიამ აიღო მეშვიდე ნომერი, მაგრამ სეზონის განმავლობაში მაინც ვერ შეძლო საკუთარი შესაძლებლობების სრულად წარმოჩენა. მომდევნო სეზონში დი მარიას შეიძლება მაინც დაემტკიცებინა თავისი, მაგრამ ვან გაალის ინიციატივით ის "სენ-ჟერმენში" გაიყიდა.
მემფის დეპაი, 33 მატჩი, 2 გოლი
"შეიძლება ვინმეს ეგონოს, რომ ის პროფესიონალი არ არის, მაგრამ ის მწარედ შეცდება. დეპაი დიდებული პროფესიონალია, ის ბევრს შრომომდა, რათა შანსი მიეღო. ეგაა, ორ პოზიციაზე შვიდი ფეხბურთელი გვყავდა. მე მასზე მხოლოდ დადებით კონტექსტში შემიძლია ვილაპარაკო. მას არც ჰქონია შანსი. მე არ ვფიქრობდი მის გაყიდვას, მაგრამ მივიღეთ კარგი წინადადება. მას აქვს პოტენციალი, დიდებული ფეხბურთი ითამაშოს." - თქვა დეპაის თაობაზე ჟოზე მოურინიომ.
და მაინც, ბოლო წელს "იუნაიტედის" ქომაგები ხედავდნენ არა ვარსკვლავს, არამედ ბიჭს, რომელც მხოლოდ იმას ცდილობდა, რომ მეტოქე როგორმე მოეტყუებინა. ახლა მხოლოდ ვარაუდი შეიძლება, თუ რატომ ვერ გაიხსნა დეპაი "იუნაიტედში".
რა იყო ამის მიზეზი, პრემიერლიგის მაღალი დონე, თუ მემფისის ზედმეტად ვარსკვლავური ცხოვრება.
მემფისს კიდევ ექნება შანსი. ის 22 წლისაა და მისი კარიერა ახლა იწყება. "იუნაიტედს" კი მოუწევს იმ აზრთან შეგუება, რომ კრიშტიანო რონალდო პლანეტაზე ერთია.
ყოველდღიური სპორტული გაზეთი "ლელო"
