ინგლისის თასის 1/8-ფინალის შეხვედრა "ბარნლისა" და "ლინკოლნ სიტის" შორის უცნაურად დაიწყო. მასპინძელი გუნდის ფეხბურთელები მოედანზე მოხუცი ადამიანების თანხლებით გამოვიდნენ. მოგეხსენებათ, როგორც წესი, ფეხბურთში გუნდები მოედანზე ბავშვებთან ხელჩაკიდულნი გამოდიან ხოლმე.
აქციაში მონაწილეობა 69-იდან 85 წლამდე ასაკის "ბარნლის" გულშემატკივრებმა მიიღეს. ამ ჟესტით კლუბმა ასაკიან ადამიანებს მადლობა გადაუხადა ხანგრძლივი დროის განმავლობაში მხარდაჭერისთვის.
