"მანჩესტერ იუნაიტედის" ახალწვეულის, რომელუ ლუკაკუს თქმით, სანამ ის "წითელი ეშმაკების" 9-ნომრიან მაისურს მოირგებდა, ნებართვა ზლატან იბრაჰიმოვიჩისგან აიღო, რომელიც ამ ნომერს გასულ სეზონში ატარებდა."ნომრის არჩევის დროს ყოველთვის დედის აზრს ვითვალისწინებდი. ადრე 10 ნომრით ვთამაშობდი, რადგან დედა მე-10 თვის მე-10 დღესაა დაბადებული.
"მანჩესტერში" 9 ნომრით თამაში მოვინდომე, რადგან თავდამსხმელი ვარ. ეს შესანიშნავი ნომერია და მისი ტარების უფლება იბრაჰიმოვიჩს ვთხოვე. მისი მადლობელი ვარ, რომ ამის უფლება მომცა", - ციტირებს ლუკაკუს სიტყვებს ESPN.
