ეჭვი რატომღა გაჩნდაო, დაინტერესდება მკითხველი. რატომ და იმიტომ, რომ რამირესის ყიდვა-გაყიდვაში ინგლისელთათვის კარლოს ტევესისა და ხავიერ მასკერანოს საქმეებიდან ავად ნაცნობი ბრაზილიელი საქმოსანი კია ჯურაბჩიანი ფიგურირებს - რამირესის 50 პროცენტი მისი ყოფილა. ერთი სიტყვით, ინგლისის ჩემპიონატის თავკაცებმა განაცხადეს, რომ
თან, დახეთ, "ნახევარი რამირესი" თავიდანვე ჯურაბჩიანისა კი არ ყოფილა, ბრაზილიელ აგენტს "ბენფიკასთვის" ახლახან, აპრილში მიუმართავს, 6 მილიონი ევრო გადაუხდია და 23 წლის ფეხბურთელის აქციათა ნახევარსაც მაშინ დაპატრონებია. თუმცა, პრემიერლიგელთა ეჭვები კიდევ უფრო შორს მიდის. კერძოდ, სავარაუდოდ, მარტო ჯურაბჩიანი კი არ არის საბრალო რამირესის ინდივიდუალური პატრონი, არამედ ცნობილი აგენტი პინი ზაჰავიც, რომელზეც ამბობენ, ბრაზილიელის 30 პროცენტს ფლობსო.
დახეთ, რა გამოდის? თუ 20 მილიონ ფუნტად შეფასებული გარიგება მართლა შედგება, კლუბი, რომელშიც ნახევარმცველი თამაშობს, ლისაბონის "ბენფიკა" მხოლოდ და მხოლოდ 4 მილიონ ფუნტს მიიღებს.
და რა წერია პრემიერლიგის წეს-კანონებში? იქ წერია, რომ ასეთი ტრანსფერის შემთხვევაში "ჩელსი" ვალდებულია ყოველი პენი უშუალოდ "ბენფიკას" ჩაუთვალოს, ხოლო შემდეგ, სხვა მოწილეებს პორტუგალიური კლუბი უნდა გაუსწორდეს. იქნებ, ვინმემ იფიქროს, ლონდონელებმა ლისაბონელებს ფული გადაუხადონ და მერე იმათ თავში ქვა უხლიათო. არ არის ასე. სანამ ყველა მხარე ოფიციალურად არ დაადასტურებს, რომ ტრანსფერით კმაყოფილია, მისი ინტერესები დაკმაყოფილდა და პრეტენზიაც არ აქვს, მანამდე ფეხბურთელის ერთი გუნდიდან მეორეში გადასვლას რატიფიკაცია არ ეღირსება. პრემიერლიგის პრეს-მდივანმა განაცხადა:
"ასეთი შემთხვევებისთვის ძალიან მკაფიო კანონი გვაქვს: ჩვენთვის გარიგების მესამე მონაწილე ყოვლად დაუშვებელია. ერთადერთი ვარიანტი საიმისოდ, რომ ტრანსფერი შედგეს ესაა - კლუბი კლუბს უნდა გაუსწორდეს. ვიცით, ჯერ კიდევ არსებობენ ქვეყნები, რომელთა წესების თანახმად მესამე მეპატრონე და მასთან ანგარიშსწორება ნებადართულია, მაგრამ ჩვენთვის ამას მნიშვნელობა არ აქვს. ჩვენთან, პრემიერლიგაში ჩვენი წესები მოქმედებს და მათ მივსდევთ კიდეც".
ალბათ, იმასაც ხვდებით, როდის და რამ აიძულა პრემიერლიგა ასეთი კანონი შემოეღო. ეს სულ 2007 წლის ამბებია, როდესაც ინგლისელებს ზემოხსენებული კია ჯურაბჩიანის გამო კარლოს ტევესის და ხავიერ მასკერანოს საგა გადახდათ თავს. მაშინ "ვესტ ჰემი" შეცდა. ლონდონის კლუბმა ვერ გაიგო, რომ ამ ორ არგენტინელს რამდენიმე პატრონი, კერძოდ კი პატრონთა შორის ბრაზილიელი ბიზნესმენიც ჯურაბჩიანიც ჰყავდა და საბოლოოდ დაისაჯა: 5,5 მილიონი ფუნტი ხომ ჯარიმად დაეკისრა და 20 მილიონის გავარდნილი "შეფილდ იუნაიტედისთვის" გადახდა მოუხდა - შეფილდელებმა იჩივლეს, "ვესტ ჰემი" პრემიერლიგაში იმიტომ დარჩა, რომ, თურმე ფეხბურთელს უკანონოდ ათამაშებდაო.
ერთი სიტყვით, რამირესის "ჩელსიში" გადასვლის საქმე გართულდა, არადა, ლონდონელებს ყველაფრის მოგვარება კვირამდე უნდოდა, რადგან კვირას კარლო ანჩელოტის ფეხბურთელები შეკრებაზე მიჰყავს გერმანიაში.
სტადიონზე მინდორი დააგენ და მის მერე არცერთი თამაში აღარ ჩატარებულა, გუნდი ხომ მთლიანად დაგვიშალეს.მე ქუთაისელი ვარ მაგრამ ბათუმის წარმატებები რო მესმის მიხარია.