"მანჩესტერ იუნაიტედის" მთავარმა მწვრთნელმა ალექს ფერგიუსონმა აღიარა, რომ თავისი გუნდის მხრიდან პრემიერლიგაში მსგავს წარმატებულ სტარტს არ ელოდა. "წითელმა ეშმაკებმა" 4 თამაშში 12 ქულა მოაგროვეს და 18 გოლი გაიტანეს."როდესაც პრემიერლიგის 2011/12 წლის კალენდარი პირველად დავინახე, მომეჩვენა, რომ ჩვენს ბიჭებს დასაწყისში გაუჭირდებოდათ. მაგრამ კარგი ტემპი ავიღეთ.
წინ ძალიან რთული მატჩები გველის. ოთხშაბათს ლისაბონში "ბენფიკასთან" სათამაშოდ მივდივართ, უკვე კვირას კი პრემიერლიგაში "ჩელსის" ვმასპინძლობთ", - განაცხადა ფერგიუსონმა.
ჩემპიონთა ლიგის ჯგუფური ეტაპის პირველი ტურის მატჩი "ბენფიკა"-"მანჩესტერ იუნაიტედი" ოთხშაბათს, 14 სექტემბერს გაიმართება.
მომზადებულია Manchester United
