"მანჩესტერ იუნაიტედის" მთავარმა მწვრთნელმა სერ ალექს ფერგიუსონმა ბულგარელი თავდამსხმელის დიმიტარ ბერბატოვის პერსპექტივაზე ისაუბრა, რომელმაც მიმდინარე სეზონში "წითელი ეშმაკების" შემადგენლობაში სულ ერთხელ ითამაშა."რა თქმა უნდა, დიმიტარს "მანჩესტერ იუნაიტედის" ძირითადში ადგილისთვის იოლი ბრძოლა არ ელის. სხვას რომ თავი დავანებოთ, თადარიგში ისეთი ფეხბურთელები გვყავს, როგორიც მაიკლ ოუენი, ფედერიკო მაკედა და მამე დიუფა. ორი კვირის შემდეგ მწყობრში იქნება უელბეკიც...
ჩვენთან უდიდესი კონკურენციაა და ვარჯიშებზე თავის მაქსიმალურად გამოჩენაა საჭირო. ეჭვიც არ მეპარება, რომ ბერბატოვს თავისი თამაშის ჩვენების საშუალება სეზონის მსვლელობისას ექნება", - განაცხადა ფერგიუსონმა.
