"მანჩესტერ იუნაიტედის" მთავარმა მწვრთნელმა სერ ალექს ფერგიუსონმა კარლოს ტევესთან კონფლიქტში თავისი კოლეგის, რობერტო მანჩინის მხარე დაიჭირა. შეგახსენებთ, "მანჩესტერ სიტის" იტალიელმა თავკაცმა თქვა, რომ "ბაიერნთან" მატჩში მოედანზე გამოსვლაზე უარის თქმის შემდეგ კლუბში მისი კარიერა დასრულებულია.
"მანჩინიმ ხასიათის სიმტკიცე და საკუთარი გადაწყვეტილების ძალა გამოავლინა. ეს მნიშვნელოვანია. ფეხბურთში მთავარ მწვრთნელზე მნიშვნელოვანი კი არავინაა", - განაცხადა შოტლანდიელმა სპეციალისტმა.
კარლოს ტევესი "მანჩესტერ სიტის" მატჩებს და ვარჯიშებს ორი კვირით ჩამოაშორეს. ფორვარდის შეძენა უკვე სხვა ევროპულ კლუბებს სურთ.
მომზადებულია BBC-ის მიხედვით
