წარსულში სახელგანთქმულმა ჰოლანდიელმა ფეხბურთელმა რუუდ გულიტმა რუნის სამი მატჩით დისკვალიფიკაციის შესახებ კომენტარი გააკეთა.შეგახსენებთ, რომ ევრო 2012-ის ფინალურ ეტაპს "მანჩესტერ იუნაიტედის" ფორვარდი წითელი ბარათის გამო გამოტოვებს, რომელიც მან ჩერნოგორიასთან მატჩში მიიღო.
"მან შეცდომა დაუშვა და ამისთვის უნდა ზღოს. არ მესმის, როგორ უნდა დაგებადოს ამ საკითხზე აპელაციის შეტანის სურვილი? რუნიმ იცის, რაც გააკეთა. თუ უეფა სასჯელს შეუმსუბუქებს, მაშინ ყველამ შეიძლება დაუშვას მსგავსი შეცდომები და შეწყალება ითხოვოს", - თქვა გულიტმა.
მომზადებულია Yahoo UK-ის მიხედვით
