სესკ ფაბრეგასმა მიმდინარე სეზონი საუცხოოდ დაიწყო და 15 საგოლე გადაცემა ძალიან მალე მოაგროვა, თუმცა შემდეგ ესპანელი ამ ნიშნულზე გაიყინა და დიდი პაუზის მერე, ცოტა ხნის წინ კიდევ ერთი საგოლე პასი დაამატა, მაგრამ თუ აქამდე თითქოს, დანამდვილებით ისე ჩანდა, რომ ერთ სეზონში საგოლე გადაცემების რაოდენობით ფაბრეგასი პრემიერლიგის ახალ რეკორდს დაამყარებდა, ახლა ამას ასე გადაჭრით ვეღარ ვიტყვით. "ჩელსის" 8 მატჩი დარჩა ჩასატარებელი და ფაბრეგასს კიდევ 5 პასი სჭირდება, რომ ტიერი ანრის მაჩვენებელი გააუმჯობესოს. ფრანგი 2002/03 წლების სეზონში "არსენალს" 20 საგოლე პასით შეეწია.
იგი ბრწყინვალედ გამოიყურება ჩვენს რიგებში და გუნდისთვის მის მნიშვნელობაში ეჭვი არც ერთი წამით არ შემპარვია. რაც შეეხება ნემანია მატიჩს, იგი დისკვალიფიცირებული იყო, რის მერეც ტრავმა მიიღო და დაბრუნდა, მაგრამ მას მერე ორი-სამი კვირაა გასული, ხოლო ბოლომდე რეაბილიტაცია და ფორმის აღდგენა დროს მოითხოვს. მე ყოველთვის მიმაჩნდა, რომ გუნდისთვის სტაბილურობა უმნიშვნელოვანესია.
აპრილში მნიშვნელოვანი ცვლილებების კეთების დრო არ არის, აპრილში ყველაფერი უნდა გააკეთო იმისთვის, რომ არსებული სტაბილურობა შეინარჩუნო. შესაბამისად, მე კვლავაც ვენდობი იმ მოთამაშეებს, რომლებსაც სეზონის სტარტზე დავეყრდენი, მათი მჯერა" - განაცხადა მოურინიომ.
ყოველდღიური სპორტული გაზეთი "ლელო"
