15 ოქტომბერს ინგლისის პრემიერლიგის მე-8 ტურის 7 შეხვედრა გაიმართა. ინგლისის ჩემპიონი ლონდონის "ჩელსისთან" 0:3 დამარცხდა. "ლესტერის" კარში გოლები დიეგო კოშტამ, ედენ აზარმა და ვიქტორ მოზესმა გაიტანეს.
იხილეთ ვიდეო
ანტონიო კონტე (ჩელსი): "ძალიან კარგი მატჩი ჩავატარეთ. ბიჭებს ვთხოვე თავიდანვე ინტენსიურად ეთამაშათ, რათა მოედანზე ეჩვენებინათ ის ყველაფერი, რაც ვარჯიშებზე დავამუშავეთ. მთელი კვირა ვემზადებოდით კომპაქტური ფეხბურთის სათამაშოდ, რომელიც ამ შემადგენლობას კარგად მიესადაგება. მწვრთნელი მკერავივით უნდა იყოს, უნდა შეეძლოს, საუკეთესო კოსტიუმის შერჩევა".
"არსენალმა" 3:2 დაამარცხა "სუონსი", რომლის თავკაცადაც დებიუტი ჰქონდა ბობ ბრედლის. 70-ე წუთიდან
იხილეთ ვიდეო
არსენ ვენგერი (არსენალი): "დღევანდელი მატჩის მერე ურთიერთსაწინააღმდეგო გრძნობები მაქვს. ორი გოლი გავიტანეთ და დავკარგეთ კონცენტრაცია, როცა ისეთ გუნდს ხვდები, რომელიც გადარჩენისთვის იბრძვის, ასე მოშვება არ შეიძლება. კიდევ კარგი, სამი ქულა მაინც ჩვენ დაგვრჩა. ახლა უკვე იმდენი ქულა გვაქვს, რამდენიც "სიტის".
"მანჩესტერ სიტიმ" შინ ვერ შეძლო "ევერტონის" დამარცხება - 1:1. მეორე ტაიმში რომელუ ლუკაკუმ დააწინაურა თავისიანები, თუმცა ნოლიტომ "სიტის" ქულა გადაურჩინა. აღსანიშნავია, რომ ჯერ დე ბრუინმა, შემდეგ კი აგუერომ პენალტების გატანა ვერ შეძლეს. საინტერესოა, რომ ორივეჯერ პენალტი ფილ ჯაგიელკამ "აიკიდა", მაგრამ მარტენ სტეკელენბურგმა ორივე პენალტი მოიგერია.
იხილეთ ვიდეო
ხოსეპ გვარდიოლა (სიტი): "ყველაფერი გავაკეთეთ ამ თამაშის მოსაგებად. ბიჭების თამაშით კმაყოფილი ვარ. დიდებულად ვითამაშეთ, მომენტებს ვქმნიდით, ორი პენალტიც დავიმსახურეთ. მათ კი მხოლოდ ერთი შანსი ჰქონდათ. ფეხბურთში ასეც ხდება ხოლმე".
ვერ მოიგო "ტოტენჰემმაც", რომელიც სტუმრად "ვესტ ბრომვიჩს" დაუზავდა - 1:1. "დეზების" კარში გოლი მათმა ყოფილმა ფეხბურთელმა ნასერ ჩადლიმ გაიტანა, მაგრამ მატჩის მიწურულს "ტოტენჰემი" დელე ალიმ იხსნა.
პრემიერლიგა. VIII ტური
შაბათი. 15 ოქტომბერი
ჩელსი-ლესტერი 3:0
გოლები: 1:0 დ. კოშტა (7), 2:0 აზარი (33), 3:0 მოზესი (80)
ბორნმუთი-ჰალი 6:1
გოლები: 1:0 დენიელსი (5), 1:1 მეისონი (34), 2:1 კუკი (41), 3:1 სტანისლასი (45-პენ), 4:1 სტანისლასი (65), 5:1 უილსონი (83), 6:1 გოსლინგი (88)
არსენალი-სუონსი 3:2
გოლები: 1:0 უოლკოტი (26), 2:0 უოლკოტი (33), 2:1 სიგურდსონი (38), 3:1 იოზილი (57), 3:2 ბასტონი (66)
გაძევება: ჯაკა (70. არსენალი)
სიტი-ევერტონი 1:1
გოლები: 0:1 ლუკაკუ (64), 1:1 ნოლიტო (72)
გამოუყენებელი პენალტი: დე ბრუინი (43. სიტი), აგუერო (70. სიტი)
სტოკი-სანდერლენდი 2:0
გოლები: 1:0 ალენი (8), 2:0 ალენი (45)
ვესტ ბრომვიჩი-ტოტენჰემი 1:1
გოლები: 1:0 ჩადლი (82), 1:1 ალი (89)
კრ. პალასი-ვესტ ჰემი 0:1
გოლი: 0:1 ლანსინი (19)
გაძევება: კრესველი (75. ვესტ ჰემი)
გამოუყენებელი პენალტი: ბენტეკა (45. კრ. პალასი)
კვირა. 16 ოქტომბერი
მიდლსბრო-უოტფორდი 16:30
საუთჰემპტონი-ბარნლი 19:00
ორშაბათი. 17 ოქტომბერი
ლივერპული-მანჩესტერი 23:00
1. სიტი - 19 ქულა; 2. არსენალი - 19; 3. ტოტენჰემი - 18; 4. ლივერპული - 16; 5. ჩელსი - 16.
