"ვესტ ჰემთან" მატჩის პირველ ტაიმში გაძევებისთვის ჟოზე მოურინიოს ორმატჩიანი დისკვალიფიკაცია ემუქრება. ფეხბურთის ასოციაციამ უკვე წარუდგინა ბრალდება "იუნაიტედის" პორტუგალიელ თავკაცს.
"განსაკუთრებული" პოგბასთვის ყვითელი ბარათის მიცემას ზღვარგადასულად აპროტესტებდა, მან ბოთლს ფეხიც ამოსცხო.
მოურინიომ პირველ დეკემბრამდე უნდა დაასაბუთოს, რომ დისკვალიფიკაციას არ იმსახურებს. წარსულში ცნობილ მსაჯ გრემ პოლს მიაჩნია, რომ მოურინიო სათანადო პატივს არ სცემს მსაჯებს და მას 6-მატჩიანი (!) დისკვალიფიკაცია მოიყვანს ჭკუაზე.
(იბეჭდება მცირე ცვლილებით)
ყოველდღიური სპორტული გაზეთი "ლელო"
