"იუვენტუსის" და იტალიის ნაკრების მცველმა ჯორჯო კიელინიმ სეზონი შეაჯამა და იმედი გამოთქვა, რომ ახალ სტადიონზე "ბებერ ქალბატონს" ფორტუნა უფრო ხშირად გაუღიმებს. ტურინელები უკვე ამ ზაფხულს ახალ, საკუთარ არენაზე გადავლენ და "ტორინოსთან" "სტადიო ოლიმპიკოს" აღარ გაიყოფენ.
"სეზონი დასრულებულია, მის შედეგებს წარმატებულს ვერაფრით ვუწოდებთ. ასეთ ჩავარდნას არავინ ელოდა. ჯერ კიდევ იანვარში გვჯეროდა, რომ თამაში ნელნელა წაგვივიდოდა და "იუვე" სამეულისთვის იბრძოლებდა.
სამწუხაროდ, წარმატებამ ზურგი გვაქცია. გუნდში ყველას სჯერა, რომ ახალ არენაზე გადასვლა გუნდს ახალ სიცოცხლეს შთაბერავს. შესაძლოა, "იუვენტუსის" ახალი ერის დაწყების წინაშე ვიდგეთ",
მომზადებულია juventus.com-ის მიხედვით
