გასული სეზონის მეორე ნახევარი კარვალიო ამაურიმ საკმაოდ კარგად ჩაატარა და დიდი წვლილი შეიტანა იმაში, რომ "პარმამ" უპრობლემოდ შეინარჩუნა ადგილი სერია A-ში. ბრაზილიელ-იტალიელი "იუვენტუსის" საკუთრებაა და ემილიურ გუნდში იჯარის წესით ითამაშა - შესაბამისად, ჯერაც გაურკვეველია, სად იასპარეზებს მომდევნო სეზონში. ფეხბურთელის პირადი აგენტი ერნესტო ბრონძეტი პრესასთან შემდეგ კომენტარს აკეთებს: "ისეთი პირი უჩას, რომ ამაური არც "პარმაში" დარჩება და არც "იუვენტუსში" დაბრუნდება. ოთხი სერიოზული წინადადება გვაქვს და იქიდან ერთ-ერთს ავარჩევთ.
ორი იტალიური გუნდია, ორიც ინგლისური. გადაწყვეტილების მიღებას არ ვჩქარობთ, რადგან ჯერ სატრანსფერო ფანჯარაც
ჟურნალისტები თავად ამაურისაც დაუკავშირდნენ და მისგან შემდეგი მოისმინეს: "დიახ, ჩემით რამდენიმე გუნდია დაინტერესებული, რომელთა შორის "ნაპოლის" გამოვარჩევდი. ვალტერ მაძარის ძალიან უნდა ჩემი დამატება და ბუნებრივია, რომ ეს მახარებს. ამ გუნდში შესანიშნავი შემტევები ასპარეზობენ, რომელთა შორის ყველაზე გამორჩეული მაინც ესეკილ ლავეცია. არგენტინელი გუნდის სული და გულია, რომელიც თითოეულ თამაშში მაქსიმუმს დებს.
ედინსონ კავანის ახლოს ვიცნობ, მასთან ერთად "პალერმოში" ვთამაშობდი და ვიცი მისი შესაძლებლობები. კოჭებში ეტყობოდა, რომ დიდი ფეხბურთის თამაში შეეძლო, თუმცა გასულმა სეზონმა ყოველგვარ მოლოდინს გადააჭარბა. ვფიქრობ, რომ ლავეცისთან და კავანისთან ერთად კარგად შემტევ ტრიოს შევქმნიდი".
