"იუვენტუსის" მთავარმა მწვრთნელმა ანტონიო კონტემ განაცხადა, რომ ფორვარდი ფაბიო კვალიარელა ფიზიკური ფორმის აღდგენისთანავე თავის შანსს მიიღებს."ეს მოთამაშე ძალიან მომწონს. მისი დაბრუნება ჩვენ გუნდს გააძლიერებს. ყველაფერი, რასაც ახლა მისგან ვითხოვთ, სათანადო კონდიციების აღდგენაა. როგორც კი ეს მოხდება, მას მოედანზე გამოვიყვან.
ის ძალიან რთული ტრავმის შემდეგ გამოჯანმრთელების ეტაპზეა. ვიცი, ეს რაც არის, მე თვითონ მსგავსი რამ გადამიტანია", - ამბობს კონტე.
შეგახსენებთ, ფეხბურთელმა იანვარში მუხლის იოგები დაიშავა.
მომზადებულია Goal.com-ის მიხედვით
