იტალიის ნაკრები დღეს სამხრეთ კალაბრიის ქალაქ რიციკონიში ვარჯიშს ჩაატარებს. რიციკონის საფეხბურთო მოედანი, მსხვილი დანაშაულებრივი სინდიკატის - "ნდრანგეტისთვის" ჩამორთმეულ მიწაზე მდებარეობს.ამ აქციას "სკუადრა აძურა" ორგანიზებულ დანაშაულთან ბრძოლის მხარდასაჭერად ჩაატარებს.
აღსანიშნავია, რომ "ნდრანგეტა" დღეისათვის ერთ-ერთი ყველაზე გავლენიანი იტალიური დანაშაულებრივი დაჯგუფებაა, რომელიც კოკაინით ვაჭრობითაა დაკავებული.
ვარჯიშის დასრულების შემდეგ იტალიის ნაკრები რომში გაემგზავრება და ურუგვაისთან 15 ნოემბერს გასამართი ამხანაგური მატჩისთვის მზადებას განაგრძობს.
