"ვალენსიას" და ბრაზილიის ნაკრების თავდამსხმელი ჟონასი "ნაპოლის" სელექციონერების ყურადღებას იქცევს. უახლოეს ხანში ნეაპოლური კლუბის ხელმძღვანელობა ეგვიპტესთან ამხანაგურ მატჩში ბრაზილიის შემადგენლობაში დუბლის ავტორის შეძენას შეეცდება.
მოლაპარაკებები შეიძლება იმ ფაქტმა გაადვილოს, რომ "ნაპოლის" და "ვალენსიას" ერთმანეთთან კონტაქტის გამოცდილება აქვთ: ზაფხულში "ღამურების" რიგებიდან "ნაპოლიში" ცენტრალური მცველი ვიქტორ რუისი გადავიდა.
ჟონასის ტრანსფერი 6 მილიონ ევროდაა შეფასებული.
