მიმდინარე სეზონში, "ინტერი" არაფრად არ ვარგა და ამის შესახებ იტალიურ სპორტულ მედიაში ყოველდღიურად იწერება - მილანური გრანდის რეპუტაცია ვერც ჩემპიონთა ლიგის ჯგუფური ეტაპის გადალახვამ იხსნა, რადგან საყოველთაო მოსაზრებით, "ნერაძურიში" რევოლუციური ცვლილებებია მოსახდენი. მთავარი პრობლემა ამ შემთხვევაში არა მწვრთნელი, არამედ შემადგენლობაა, რომელიც საფეხბურთო ექსპერტთა უმეტესობის აზრით, "ინტერის" კალიბრის გუნდის მოთხოვნებს ვერ აკმაყოფილებს. ახალგაზრდებს საშემსრულებლო ოსტატობა აკლიათ, ვარსკვლავები კი ასაკში შევიდნენ - აი ასე, ერთ დროს "ინტერის" სუპერშემადგენლობა ერთიანად შესაცვლელი გახდა. ასეთ მოსაზრებას არ ეთანხმება "ინტერის" კაპიტანი ხავიერ ძანეტი და შემდეგს აცხადებს:
ეს განცხადება ძანეტიმ აშკარად თანაგუნდელების გასაგონად თქვა და განავრცო თემა: "ნებისმიერს ეპატიება შეცდომა, რადგან ჩვენ ადამიანები ვართ, მაგრამ გულგრილობა არაფრის დიდებით არ უნდა დავუშვათ. იმედია, მთავარი მწვრთნელი ყურადღებით იქნება და ასეთი ნიუანსები არ გამოეპარება. პირადად მე, უკვე 38 წლის ვარ, მაგრამ ყოველი მორიგი თამაში ჩემთვის დღესასწაულია - ჯერჯერობით, არც კარიერის დასრულებას ვაპირებ, რადგან თავს შესანიშნავად ვგრძნობ".
ყოველდღიური სპორტული გაზეთი "ლელო"
